地盤佬日誌- 管理層點先會比人炒

地盤佬日誌- 管理層點先會比人炒
Jobsdb content teamupdated on 18 March, 2022
Share

地盤係一個每日都有人辭官歸故里,有人漏夜趕科場的地方。不停都有人出出入入。地盤變得最快正常係師傅們,不過香港師傅多數係日薪工,所以今次就唔講啦。先講下管理層嘅花生。

比人炒

正所謂「樹大有枯枝,人多有白癡」,有時真係唔知點解有啲人可以一個正常人應該有嘅知識都無,照樣可以高薪厚職年薪幾百萬,但係做嘢又成Pat屎咁。通常呢啲人呢冇事冇幹就可以繼續喺個位度坐好耐,如果佢下面班手下真係叻的話,個廢柴老細仲可以平步青雲,

我之前公司有個新請外國返來嘅APM,做咗幾個月能力連一個AE都不如,最後啱啱三個月就炒咗。

▪ 地盤佬日誌- 高人工傳說

合作唔到

做得管理層,多數其實自己個人能力係唔弱嘅,例如有啲學識好強、有啲文件能力好強。不過做工程其實最終都係人嘅工程,我入行咁耐,見得最多管理人員比人炒,都係因為同某啲人合作唔到。

1. 同上家合作唔到:

之前有啲同事比上家投訴話唔要見到佢,之後公司只能將佢調去其他地盤,傳說佢之後又比上家投訴,之後就比公司炒左。

2. 同同家合作唔到

同上司合作唔到就一定死就唔特別講,同級同埋下屬都有機會令到你俾人炒。之前有個中高層同下面啲人反面,下面個個兄弟憤而辭職,去到老細度就直接就話:「有佢無我!」可能老細本來都唔多鍾意個中高層,所以佢過幾日就無聲無色咁走咗~

3. 同下家合作唔到:

行內雖然從來都係上家剋下家,不過都見過,有上家某人提出嘅要求所有都太學術,現場根本完全做唔到,又試過個上家某人因為想收咖哩(黑錢)不停玩野,令到地盤半停工。下家無辦法,就走去搵上家老細投訴,最後上家某人都好快就在地盤消失咗。

▪ 地盤佬日誌—停工

▪ 地盤佬日誌—風水輪流轉

其實地盤工程就係一個大型機械,不論身份高低都係齒輪,每個齒輪自身質素都唔可以太差,齒輪同齒輪之間嘅連動要好,咁樣工程先會順順利利。

 

港夫.李澳

香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章 

此文章由原作者及Jobsdb HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及Jobsdb保留採取法律行動的權利。

More from this category: Industry stories

Browse top search terms

Did you know many candidates preparing a resume also research their industry by exploring top search terms?

Subscribe to Career Advice

Get expert career advice delivered to your inbox.
You can cancel emails at any time. By clicking ‘subscribe’ you agree to Jobsdb’s Privacy Statement.