［問到口啞啞］見工壓你價口術大全

調查指上屆大學畢業生每月平均薪酬為$16,892 ，但寫咗expected salary，到見工時俾人壓價是常識吧，尤其啱啱出嚟做嘢未有社會經驗，俾人壓到口啞啞、自降身價真是好慘豬。

為咗俾大家見工前有啲心理準備，唔駛到時無法反擊，擘大個口得個窿，以下收錄一啲常見壓價口術金句，等大家到時自己執生。（記住！其實傾到去人工已經代表佢好大機會請你。）

▪ 一位之隔 人工可以爭幾多?

1. （藐嘴藐舌）我哋得$x,xxx，你O唔OK？
   
   
2. 你第一份工憑咩覺得自己值$xx,xxx？（小編當年就係唔識答T^T）
   
   
3. （以退為進）如果低過$x,xxx，你係咪會唔考慮？
   
   
4. 其實你嘅履歷符合我哋要求，但你未有經驗，我哋只可以俾$x,xxx你，你接唔接受？
   
   
5. （懶係語重深長）講真以你嘅experience，我哋俾呢個價已經好好，出面根本好難有公司請你添。
   
   
6. 其實你唔啱我哋用㗎，不過見你有誠意，所以公司俾個機會你，人工我哋可以俾到$x,xxx，你覺得點？
   
   
7. 你嘅表現其實都幾好……不過你呢個post我哋未必有咁多budget，你嘅bottom line會係幾多？
   （其實呢句可以列為面試必問題，小編見過咁多份都有俾人問過）
   
   
8. 你考慮吓呢個價O唔OK啦……因為我哋另外仲會有勤工獎，只要成個月唔遲到唔早退唔請假唔sick leave就可以有$500。
   
   
9. Department Head都話滿意你interview嘅表現，可以俾到你expected個價～
   （當你好開心時）不過其中$3,000會係performance bonus，要視乎你當月嘅表現計返出幾多。
   
   
10. 我哋每年都會出雙糧㗎～
    （簽contract時）我哋雙糧係會以花紅形式，按照返appraisal表現嚟計。

延伸閱讀：

海外工作機遇—STEM人材最受歡迎 5步成事懶人包

【CV技巧】Current及Expected salary如何寫才合理不蝕底？裸辭會影響身價？

此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。