[不要再說了]5個打工仔「摟打」詞語

5個打工仔摟打詞語

老「闆」有三把口,只要有心罵你,即使毫無道理也可以罵。打工仔不小心說錯話,即使本身不是想表達那個意思,也會讓老細斷章取義,無限上綱上線。以下5個「摟打」詞語,少說為妙,否則踩中蕉皮,蝕底的還是自己。


摟打Lv1:「OK啦……」

「今次event個反應都OK啦……」
「OK即係點呀?講清楚啲唔好嘥我時間得唔得!」

每個人對「OK」的定義都不同,是指不太好?很一般?還不錯?有甚麼好或不好的地方?只說「OK」而不作其他解釋的話,躁底的老細很容易馬上噴火。


摟打Lv2:「應該……」

「批貨應該今日4點可以送到……」
「應該即係送唔送到呀?送唔到你即場同我嘔出嚟呀?」

老細總覺得只要你是project owner,就能像神一樣將萬物操制於股掌之間,但有些事情明明不在自己控制範圍內,難道要以自己人頭擔保嗎?此時寧可借其他人把口:「已經催咗個師傅,佢話4點可以送到嚟。」


摟打Lv3:「唔知……」

「我唔知喎……」
「你個腦裝草㗎?你有咩係知㗎?」

同上,你不是全知全能的神,也不是記憶大師,即使做事如何細心,總有些事情真的沒留意到,或是忘記了。但如果直接說「不知道」,老細就會假定你一定是做事甩漏,不著緊工作進度。此時回答「我要check返先」,起碼可補鑊和表達你是有用心跟進事情。(不過此方法用太多次也會無效)


摟打Lv4:「儘量……」

「我儘量今個星期做起佢……」
「儘量?我儘量今個月出糧俾你得唔得?」

老細永遠覺得員工是叮噹,應該可以隨手把東西變出來。相反,說「儘量」去做一件事情,在老細的耳中就是不願承諾去做,跟「拒絕」去做是差不多的。小編就曾見過一位同事,因為說了「儘量」兩字,而當眾被老細照肺了半個鐘。事情難做,你要不晚上加班完成,要不用非常有說服力的理由去解釋這是不可能的任務。


摟打Lv5:「你鍾意啦……」

「你係大佬,你鍾意點就點啦……」
「你宜家係咪好不滿呀?咁叻你教我做吖!」

我明,有時老細的idea真是好蠢、行不通,你也沒有明說,但此話其實已是曲線「串」你老細判斷無能,只是因為他是「大佬」而要言聽計從;除此之外,也暗示你放棄表達自己想法,把責任推卸予人。想婉轉一點表達意見,可以說:「你之前係咪都試過呢個方法行得通?我覺得……」讓對方較易落台。

 

延伸閱讀:

葉朗程:絕細

要錢定要命?香港八個傷身職業

如何成為「top sales」銷售達人?

 

此文章由jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案