上回提要︰收到公司安排Interview 電話嘅常見問題，今回又講下另一種好易收到嘅電話︰Head hunt獵頭公司！
1. 我收到獵頭公司電話，話係 JobsDB 搵到我份CV，究竟係點樣搵到？
A sir （資深IT Recruiter）︰JobsDB 會提供服務，容許公司同僱主登入 Database，查看求職者嘅Profile，如果合適就會主動聯絡Candidates。
2. 點解有啲獵頭公司唔肯Share 份工嘅資訊？例如公司名、工作內容、人工等等，係唔係呃人？
A sir （資深IT Recruiter）︰可能獵頭公司本身都無相關資料，所以無辦法轉告Candidate，而非存心欺瞞。
Miss M （金融機構HR）︰部份獵頭公司唔想俾同行知道引起競爭，所以收起某啲資料。
▪ HR 揭祕！搵工遇著同一招聘廣告登完又登、冇公司名係咩原因？
▪ 搵唔同工作要整不同版本？HR 解答6大CV及Cover Letter常見疑難
3. 獵頭公司會唔會收求職者費用？佢地嘅收入來源係咩？
C 小姐 （香港大型企業HR）︰Agent 嘅工作係幫公司搵個啱嘅candidate，然後再由公司俾返Agency Fee。
R.D. （國際獵頭公司Recruiter）︰唔會，獵頭公司會收取招聘者費用，而獵頭顧問會從中獲得佣金。
4. 如果我好心急搵工，我可唔可以自己Send CV 比獵頭公司？
A sir （資深IT Recruiter）︰可以，不過成效就當然睇你比咩head-hunter、同埋你個行嘅情況。
R.D. （國際獵頭公司Recruiter）︰可以，你可以先查詢負責相關職位嘅顧問，直接send CV過去。 不過，由於application太多，所以未必一定收到回覆。
▪ 畢業後搵工難題！大公司vs細公司點揀好？第一份工有幾重要？
▪ 【Fresh Grad搵工出路】月入可達8萬！5大工種前景佳 冇經驗點入行？
5. 其實獵頭公司係求職者同公司之間係咩角色？
C 小姐 （香港大型企業HR）︰For 公司，佢可以搵到D潛在嘅potential candidate；For candidate，佢可以由一個agent幫忙下同時apply好多份工。
R.D. （國際獵頭公司Recruiter）︰其實係平等嘅三角關係，獵頭公司會以仲介角色進行職業配對，將適合人選推薦俾適合嘅公司，從而幫人搵到理想工作、又可以幫到公司搵到理想員工。
6. 現行法例有無監管獵頭公司？公司又點樣保障求職者？
R 姐姐 （公營機構HR）︰香港嘅獵頭公司主要係受《僱傭條例》同《職業介紹所規例》規管，勞工處一般會透過發牌同巡查嘅形式，確保獵頭公司係合法經營，保障求職者嘅利益。
不過作為求職者，如果你需要同獵頭公司簽定任何合約，記得都要小心睇清楚上面嘅條款呀！
Miss M （金融機構HR）︰我哋公司有專責部門，審視同獵頭公司嘅合約，而且每次聘用Agent都要經過採購部再審一次。
A sir（資深IT Recruiter）：有，基本上都係跟隨相關法例，例如《個人資料（私隱）條例》等。
希望今日嘅揭秘可以解答到大家對獵頭公司嘅疑問！下次繼續探討搵工策略！
此文章由原作者及JobsDB HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及JobsDB保留採取法律行動的權利。
