上次同大家解構咗Interview 嘅常見疑問，但係近年面試形式開始有所轉變，衍生嘅難題亦都變得五花八門；除左一班HR 專家外，今次更加邀請到負責可持續教育課程嘅面試官，同大家跟進唔同嘅面試疑難！
1. 小組 Interview 嘅用意係咩？我可以點樣突出自己？
R.D. （國際獵頭公司Recruiter）︰小組interview 多數係討論模式，某程度係為咗測試candidate嘅批判性思考能力，同時讓Candidate表達自己個人思維等。要係小組討論中突顯自己，除左禮貌又快速嘅回應之外，最重要係每一個statement都有充足嘅理據去支持，先可以避免令自己嘅言論流於片面。
Miss M （金融機構HR）︰小組interview 嘅用意係方便 HR 一次過見哂所有求職者，唔使分開約見幾次。因為每次Interview 要約埋老細同interviewer，分開幾次面試會好繁忙。（呢期我哋公司都幾鍾意小組interview！）
2. 如果係小組Interview 期間，有應徵者壟斷發言、或者不停反駁我嘅睇法，我可以點樣去回應？
R 姐姐 （公營機構HR）︰小組interview可以睇到candidate 重唔重視teamwork。如果有人壟斷發言，盡量試吓可唔可以插入對話。如果有人不斷ban你嘅idea，你都可以嘗試喺考慮各方面嘅意見之後，合成一個包含咗唔同人意見嘅conclusion，顯示你識得整合唔同人嘅意見呀嘛！
A sir （資深IT Recruiter）︰大方啲比佢慢慢講，聽曬佢嘅理據再逐點反駁。
▪ 面試見工想改時間至放工後？HR 揭祕：5大搵工interview常見問題
▪ HR 揭祕！搵工遇著同一招聘廣告登完又登、冇公司名係咩原因？
3. 點解而家咁多公司都鍾意用 Video Interview？我又應該著咩衫、係咩環境去錄影？
R.D. （國際獵頭公司Recruiter）︰使用video call嘅好處很多，包括避免covid-19嘅風險，亦都容易遷就同節省時間。出席video call interview時，請穿著合適面試衣裝，唔好因為video call 而casual處理。此外，一定要確保搵到一個 1）網絡穩定2）安靜，光亮充足嘅背景環境進行 Video Interview。另外，亦有co-working space出租 interview room，大家有需要可以考慮考慮。
S.Z. （本地教育機構面試官）︰最主要係方便啦，interviewer可以係自己房就做到interview，少d需要coordination嘅工作 。Interview最好搵個淨色background，唔好有太多雜物係身後，環境唔好太多雜音或者回音，可以大聲講野，方便interviewer聽到你嘅發言。網上有啲software都可以blur咗background，如果屋企環境唔太方便嘅都可以了解吓。
4. 如果錄製 Video Interview 嘅影片，我需唔需要用專業器材？或者後期剪輯、修圖？
SW （企業面試官）︰其實普通一部電話已經好okay！因為 video interview 嘅用意就係想 casual 一啲，比 candidate 可以更容易發揮個人特質。如果太過花巧、太多後製，反而會令到件事太浮誇。
S.Z. （本地教育機構面試官）︰其實用電話就已經好足夠。如果想進階一啲，現時電話都有好多app拍攝同後製影片。
▪ HR 揭Head hunt之謎！唔講公司名係咪呃人？應否主動找獵頭人搵工？
▪ 伏工有特徵！3大方法見工面試避免中伏 公司風評好壞有得check
5. 應徵公司話有 Written Test，但我唔係好識答啲問題…可以點算？
SW （企業面試官）︰同以前讀書考試一樣︰儘量答！但你亦都可以諗諗，會唔會係份工既要求同你既強項有所差異？另外，亦可以考慮係 written test 後同interviewer 討論相關題目，請教一下，都可以留返個好印象比interviewer。
A sir （資深IT Recruiter）︰事前努力溫書、考嘅時候盡你能力去做。如果完全唔識，請考慮另一份工。
6. 如果我收到電話話有 Second In，係唔係代表成功率好高？
R 姐姐 （公營機構HR）︰如果收到second in，成功率當然係大大提升啦！不過記得注意僱主到底總共有幾多round interview先好下定論！
Miss M （金融機構HR）︰我哋公司嘅慣常程序係︰首輪由直屬上司面試、Second In 由 Line Manager 面試，而我哋 HR 會守最尾一關，所以如果收到 HR 通知見面嘅成數會比較高，代表想同Interviewer 傾Offer。
希望大家睇完以上各位HR專家既分享之後，可以更加了解各種interview 既特點，更有信心去迎接每一個面試！
此文章由原作者及JobsDB HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及JobsDB保留採取法律行動的權利。
