StealJobs：珍惜你的「中等」朋友
李嘉誠Office唯一一幅對聯，有一句「發上等願，結中等緣，享下等福 。」
究竟結緣，為何要結「中等」緣？年少時，一心向上，不知天高地厚，好自然就「人望高處」，總希望結識一些更優秀或家底更好的朋友。或者未必為了任何功利的理由，而單純地覺得對方的生活及背景頗有趣：從小培養的學識與教養，幾代人累積下來的經驗與眼界，甚至係優渥的中產生活，例如居住在傳統豪宅區，國際學校的經歷，充分的國際視野等。
對於一個無點見過世面的小伙子/後生女，從草根中學剛考進HKU，唔少人會自然地被這種新朋友的生活的一切所震攝，然後為之陶醉，著迷而執狂，希望自己都可以成為他們的一員 (to become one of theirs)。在階級分明的香港社會，呢種社會縮影一年又一年在大學甚至職場上演。
即使在大學時同呢種高級朋友「Friend過打Band」，但當大學幾年轉眼過去，即使曾經同窗，促膝談天喝過幾多枝啤酒，傾通宵都傾不夠，出來社會後，往往又係另一個光景。
當然唔係全部人，但相信有好一部分呢類高級朋友，畢業幾年後自己會重新自我定位：變得比以前更加離地，而且往來的朋友變得更加Exclusive，除了飲食硬性要求去Per head HK$500 以上的餐廳外， 仲會一步一步撇棄從前的舊朋友，假如他們以為你對他們的人生或視野欠缺價值的話。 即使有見面，他們對舊朋友的生活毫不感興趣，呵欠連連。對於這種變異後的高級朋友，即使你多重視他們以及努力去維繫友誼，也只是老鼠拉龜，而你無論如何也不會impress到他們。在你眼前，這段曾經的友誼與情誼每分鐘在慢慢流逝，一去不返 。
▪ 尾糧計法：Last Day在月中 離職以日計薪 勿忘扣掉強積金
好多人以為，只要你夠努力去維繫，其實都可以Maintain到一段正在逝去的友誼。其實不然，因為正如英國諺言，跳探戈舞是需要兩人一起跳的 (It takes two to tango)。
咁，面對這些消逝的情誼，我們究竟應該如何自處？是否就完全放棄？
其實，可以參考追逐馬匹 vs 種草 的故事：
「不要去追一匹馬，
用追馬的時間種草，
待到春暖花開時，
就會有一批駿馬任你挑選；
不要去刻意巴結一個人，
用暫時沒有朋友的時間，
去提升自己的能力，
待到時機成熟時，
就會有一大批的朋友與你同行。
用人情做出來的朋友只是暫時的，
用人格吸引來的朋友才是長久的。
所以，
豐富自己，比取悅他人更有力量。」
Get it?
當然，當你條件變得更好，甚至可能對方要靠你幫忙時，呢個時候先變面對你態度回暖，呢種「朋友」你仲想唔想要，則是後話。
除此以外，請好好珍惜你的中等朋友。往往是同級的「中等朋友」，更容易志同道合，互相欣賞，可以為好小事大笑一餐，亦可以為前途同人生詳談一整個下午，有難得的intellectual conversation。真正中等朋友，應當如此。
因此，棄我去者，昨日之日不可留，不要刻意去巴結或挽留那些離棄你的高級朋友。反而，要好好珍惜你的中等朋友，畢竟，可能只有他們才真正了解同關心你。
SJ結語：
閉上眼睛數一數，你身邊有幾多個呢種「中等朋友」？
主動一點，Send個Message俾佢啦！朋友是需要維繫的，如果諗唔到講乜，Send呢篇文俾佢都不失為一個好方法，哈！
StealJobs.com主編──SJ
全面透露各行各業入行攻略，上位貼士，以及行業秘聞。
|
此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。