見工後寫thank you letter?網民:「無謂嘥時間」面試後3招增搵工勝算

FacebookWhatsAppTelegramEmailCopy Link

有網民在連登論壇開po問:大家搵工見完工後,有冇寫thank you letter嘅習慣?

其他網民熱烈回應,並可以分成兩大派:

1.支持要寫:

“其實係禮貌黎,大家做咩咁反感。專業嘅HR,完左都會多謝candidate既時間啦!唔係話刷鞋,喺email到講翻句thanks for your time,都唔係好過份姐”

“老實講睇你咩工,同埋個職位會唔會多人爭。呢啲野都係make a good impression,禮禮貌貌咁樣,方便佢記得你,係咁易做下就得。佢係鐘意你就鐘意你,唔鐘意你就唔鐘意你。”

2. 反對要寫:

“點解要寫?
1. 佢請你,姐係遲下會做同事,無啦啦讚咩個同事。
2. 唔請你,你檢討下自己面試in 成點先,到底係自己in 得唔好定個面試官問題。
不過無論係前者定黎者,都無thank you letter 既用意”

“細公司entry grade先會,大公司in咁多人唔會得閒睇。Senior grade又唔會單憑你一封thank you letter就請。”

有興趣可睇返原po

▪ 搵工新常態! 5大「非常手段」提升疫境求職成功率

▪ 面試刁難問題點回答?見工被問:依家啲後生好自以為是,你點睇?

坊間的求職攻略,大多會溫馨提示申請人面試後,第一時間寫封感謝信/電郵予HR,一來感激獲得見面機會,二來強調對職位有興趣,三來令面試官加深印象。但紙上談兵,你有你提示,實際操作又如何?

禮多人不怪,不過⋯⋯

待人有禮,絕對是好事,而且對方如HR屬初次相見,申請人又在芸芸對手中入選有份踏上面試戰場,事後出封感謝信,縱使帶有機心,也無可厚非。既然是禮數上的事,就如送禮,一係唔做,一係做足,以免失禮。

抄都要識抄:

一如求職信,thank you letter亦有無數範本供「抄」考,然而卻非叫人搬字過紙,應徵者須按個別職位和面試官「客製化」。雖是官樣文章也要用心去寫,以表誠意。千篇一律的、抄都抄錯的、文法不對兼出現錯別字的,面試官睇見就眼冤(他們看不看另作別論),像這樣的感謝信,唔寫好過寫。

與面試態度一致

因為搵工心切,所以見工後來封感謝信,希望讓面試官留下好印象,提升成功機會,如此便是取態一致。可是,有些求職人士面試時表現得對份工不甚着緊,試後卻寄封渴求加盟的thank you letter,咩玩法呢?面試時的冷淡態度,與感謝信的熱㸍用詞,何其不協調,令人感到思裂。像這樣的感謝信,寫咗嘥彈藥。

▪ 【Fresh grad面試攻略】見工5大能力測試,最新基準你要知

▪ Video interview有咩要注意?8大視像面試技巧、準備及衣着貼士

面試後3大習慣

經樓主一問,縱觀網友回應,就知道講求實際的應徵者,很多都沒有寫感謝信的習慣。事關寫好一封thank you letter,對見成工幫不上大忙;但寫衰了,不利觀感大件事。然而,貴人事忙的HR,偷空看一眼已屬好畀面,大部分情況是直接delete乾脆利落。其實搵工見完工後,反而要培養以下習慣。

1. 賽後檢討:

獲𨘋參與面試,話難不難,但也非逢apply必中。故此每一回爭取到上試場的機會,便是磨練自己應戰能力的可貴機會,這次失落了,寄望還有下次,最緊要慣於每次作賽後檢討,客觀地審視個人表現有何不足的地方。欠缺反省能力的人,極難在職場上發圍。

2. 自我完善:

檢討完畢,就是自我改進的開始。針對個人強弱點,強項再加強,弱項如英語則尋求良方去改善,期盼再去見工時,能以better me姿勢應戰,告別屢戰屢敗。例如現時流行視像面試,可以在自己控制的範圍內,由電腦、燈光等硬件,髮型化妝衣着等形象設計,去到表情、語氣各方面,早早準備勤加練習。一次生,兩次熟,便可在鏡頭前對答如流了。

3. 留意市場:

當然,培養好以上兩個習慣,也不代表見工能一擊即中,百戰百勝。面試結果,或因天意,或因人事,往往功敗垂成,並不罕見,求職者又要再從頭來過。然而,即使成功獲聘,也不能過於放鬆,一樣要關注社經大氣候,密切留意求職市場和行業走勢。一旦遇到筍工空缺,機會留給有準備的人,便可良禽擇木而棲了。

 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

 

想收到更多JobsDB最新職場資訊?

熱門文章
要數打工仔們最討厭的返工日常,肯定是開會!排山倒海的工作 + 無窮無盡的會議 = OT無極限!近日就有網民於討論區大呻自己返工8個鐘,竟開足5個鐘會,差點就需於Office度過Lonely Christmas! 樓主開Post分享瘋狂開會經歷,她表示逢星期五都要開1小時的部門例會,但每次都會超時,連午膳時間也被佔用。更悲慘的是,另一場會議緊隨其後,最終樓主直踩兩場會議,完全沒有空檔吃飯。當她以為開會馬拉松終於要完結之際,上司隨即召見商討公事,結束時已是6點。整天下來,樓主完全沒有時間處理公務,最終需OT到近12點才能離開,令她相當崩潰:「搞到我要爭啲喺公司過聖誕。」 一眾網民紛紛表示同情,亦有人「同病相憐」:  「平安夜都要喺公司過⋯⋯慘!」 「開聖誕聯歡會?開咁耐⋯⋯」...
一場疫情,顛覆了全球打工仔的工作型態,在家工作、混合工作模式等愈趨普遍,是否意味着未來職場還存在許多變數?最近,有位網民就於討論區發起有關香港實行4天工作制可能性的討論,你又覺得可行嗎? 樓主是一名建築公司的HR,他分享早前與老闆談及有關4天工作的新聞,老闆著他研究公司實行的可能性。樓主認為建築公司的工作時間本來就不固定,加上現時已轉為彈性工作時間,員工可自由安排上班時間,所以實行4天工作制對公司影響不大,應該可行。但樓主又表示:「我調轉諗諗,其實係香港好難有工可以返4天工作」,續問廣大網民:「大家覺得自己份工有冇咁嘅可能?」 普遍網民都認為,香港要實行4天工作制怕是不可能之事: 「呢度喺香港,可以唔使討論」 「我相信冇話唔得,不過要睇下係乜嘢工種」、「香港大多數係服務性行業,你5天工作都已經難,何況4天?」 「冇乜可能,香港人搵錢至上」 「絕對可以,但人工減半」 「其實都無話唔得嘅,問題係你老闆可以嗎?」 「4天工作唔係問題,個問題係你可唔可能係4天工作下做完自己嘅工作量」 (按此看原po)...
Quit U投身餐飲開咖啡店,本已跌破世俗眼鏡,有個90後女生還要再打破咖啡配意粉的定律,「我不會給退路自己。當好想好想做到時,就只可以向前衝。」頂着一頭型格金髮的Ivy有着緩慢柔和的聲線,但說出這話時很堅定。最後真的給她衝出一條路,養到一個團隊,而且原則仍能堅持:「如果沒了初心,那就只是搵錢而已。」 ▪ 想從事「cafe」有關嘅行業?即刻撳入嚟睇睇! ▪ 「沖」破視障界限!咖啡師靠聽覺手感沖調拉花:真想做便會出盡力 「如果留退路,就不會盡全力」 離地鐵站10分鐘步程的一個屋苑巷子裏,有一面素淨的牆,一棵油綠的盆栽靜靜地呼吸着。7年過去,Ivy仍在默默做好所愛的咖啡、麵包。那種熱愛,還強到讓她當年即使設計學科已讀到最後一年,仍毅然Quit U。「當時在朋友的咖啡店做兼職,愈做愈鍾意——很喜歡咖啡和麵包那種時間蘊釀後,帶來很多不同變化的感覺。」慢慢萌生了開店的想法,但學業與事業難以兼顧,又眼見設計行業總要聽命客人,做不到心中所想,知不會入行,就決定放棄學位。 「屋企人都會想我有張畢業證書在手,有個保障。但我覺得如果每樣東西都留退路,就不會盡全力。」而且她一心就是想做咖啡業,畢業與否不算重要,「又覺得當時咖啡行業正興起,如果不把握時機,到所有人都在開,成功機會就又低了。」...

十大熱門搜尋

Scroll to Top

Processing, please wait…