黑心商店 :「紙紮鋪老闆話盂蘭節唔係旺季。」

黑心商店 :「紙紮鋪老闆話盂蘭節唔係旺季。」
Jobsdb content teamupdated on 13 August, 2020
Share

八月十九日就係農曆七月初一,即係踏入中國傳統鬼月。唔知大家有無試過燒街衣?今次黑心商店就搵咗一間位於屯門紙紮舖嘅負責人︰彭氏夫婦!同大家講下經營三十年嚟見到嘅客人~

有人買衣紙都問折頭!

呢間紙紮舖位於屯門嘅一個屋邨街市,經營超過三十年。彭太直言︰「有咩人未見過?」曾經有客人相對豪爽,買嘢唔睇價錢,最後埋單差唔多二千蚊;但同時有人試過買一紮四十幾蚊嘅香,都要求彭太比個折頭,齊頭四十收順啲咁話!

$500$100

負責收錢嘅彭太話,曾經有客人比左張$100 紙,找錢後堅持自己係比左$500。於是彭太打開收銀櫃再三檢查,根本就無收過$500 紙鈔;但係客人竟然要求行入收銀櫃檯,親自點算。連個收銀都要比埋你睇?彭太話:「咁不如你報警啦!」

熟客是怎樣練成的?

彭太又話,原來有客人買左衣紙祭品返去燒比先人,有啲客真係「收到回音」、又有啲客覺得燒完祭品後變得吉利,開始行好運,咁之後就會一直返轉頭幫襯佢地,久而久之就成為熟客。

▪ 初創企業(Startup)啱你做嗎?十個好壞處分析

▪ 失業搵唔到工點算好?10個低成本創業及搵錢Idea兼成功例子


有病就睇醫生啦!

彭生亦都忍唔住同我分享,原來曾經有客人嘅小朋友唔舒服發燒,所以嚟買祭品拜神。彭生即刻話︰「小朋友唔舒服,我叫佢即刻睇醫生啦!仲拜咩神呀?」雖然經營紙紮用品舖,但彭氏夫婦非常開明,直言拜神燒衣只求心安理得,如果認為拜神後可以不藥而癒、不勞而獲簡直係無可能,到時就係由「信仰」變咗「迷信」!

紙紮舖Peak Season

彭氏夫婦話比我知,原來紙紮用品嘅旺季係清明節、重陽節,最後先到盂蘭節。係訪問當日舖頭亦有售賣七色紙,用嚟喺農曆七月初七拜祭七姐(織女),但係而家已經好少人識得拜七姐嘅習俗啦。

鋪頭內部格局。

結語︰彭氏夫婦直言,紙紮用品行業已經式微,做嘅都只係街坊生意。如果大家有機會行過紙紮舖,不妨行入去欣賞下呢項香港傳統手工藝。

 

黑心商店

香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop

 

此文章由原作者及Jobsdb HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及Jobsdb保留採取法律行動的權利。

More from this category: Industry stories

Browse top search terms

Did you know many candidates preparing a resume also research their industry by exploring top search terms?

Subscribe to Career Advice

Get expert career advice delivered to your inbox.
You can cancel emails at any time. By clicking ‘subscribe’ you agree to Jobsdb’s Privacy Statement.