香港IT人:下一份IT工是天堂,還是地獄?

FacebookWhatsAppTelegramEmailCopy Link

下一份IT工是天堂-還是地獄

(image via Office Snapshots / Phil Whitehouse via Flickr)

其實好多人對IT工有好大誤解。佢哋成日以為做IT好似打機咁好玩,然後就話好想做IT;又見到Google、Facebook嘅office咁靚,仲周圍都係娛樂設施同零食,以為只要入行做IT就爽過升仙。事實又係點?


外國的IT工

講真,好多好成功嘅IT公司都明白員工係佢哋最重要嘅資產,因為做IT靠嘅並唔係金融投資或買賣貨品,而係靠員工們嘅腦袋。所以好似Google、Facebook呢啲公司,最高管理層本身就係做IT,所以必然會好好善待班員工。

好到點?免費零食、無限手調咖啡、無限假期、office入面已經有無數娛樂。而且通常個office都會裝修到好colourful,去刺激員工創意。如果係美國等地,工作地點有室外地方的話,間公司亦會將呢啲室外空間佈置得好舒服,眼見之處全部都係草地,寬闊嘅行人路,仲有好多鮮豔嘅擺設。

喺Policy上,好多時公司都會俾員工反映意見,例如邊度做得唔好,可以點樣做得好啲,而且唔係齋講,係真係會有人跟進。總之,員工嘅舒適感絕對係排首位。就算只係佢哋喺香港嘅辦公室,你都會感覺到佢哋對員工有幾重視。

入到呢啲公司,睇嚟好似上天堂一樣,間直係夢寐以求嘅工作。咁你又知唔知如果唔係Google、Facebook呢類公司,工作環境又會係點?


香港的IT工

零食,冇。咖啡,自己沖。假期,跟勞工法例,即係一年有7日大假,就算perm位,比到15日你已經要謝主隆恩。Office裝修目標係放到多啲枱,所以人人都要坐「豬肉枱」,department head都一樣。想坐房?入meeting room開會嗰陣咪有房坐囉。娛樂設施?諗都唔好諗,你係嚟返工架。

仲有,你唔知你份糧係包咗「受氣」呢個item㗎咩?唔好以為你想點就點。你想反映意見咩?我諗到你遞信嗰日先有人願意聽,不過聽完都係馬照跑,舞照跳。日日OT不特止,返到屋企諗住可以休息?記住check WhatsApp,老細隨時都會搵你;有啲老細癲起上嚟仲會公器私用,叫你上佢屋企整電腦、裝router。

唔係天堂都算,好多IT人都只想留喺人間界,但好多時都跌咗落地獄。而且,轉工係改變唔到命運,好多時都係由一個地獄跳去另一個地獄,不停輪迴。你問我點解做咗咁多年,仲要喺呢個行業打滾?其實好多時都係為咗每次完成一個project嘅滿足感,呢種滿足感亦都係大部份IT人一直堅持喺地獄打滾落去嘅原動力。

 

Sam Yung

 

在香港IT界打滾多年,從一個小小的Programmer開始奮鬥,到成為某大公司的IT管理人員,親歷科網泡沫爆破後,香港IT界慘不忍睹的境況。網誌:香港IT人

 

檢視此作者的所有文章

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想收到更多JobsDB最新職場資訊?

熱門文章
上次講咗招聘廣告「HR 揭祕!搵工遇著同一招聘廣告登完又登、冇公司名係咩原因?」同Send CV嘅常見問題「搵唔同工作要整不同版本?HR 解答6大CV及Cover Letter常見疑難」,今日就去到搵工第三步︰「Interview 前奏 」! 1. 如果我收到電話話有Interview,但平日又行唔開,可唔可以建議喺放工時間後面試? R.D....
面試後自我檢討,反省臨場時的優劣之處,對於改善下一次的Interview表現,會有很大幫助。人力資源顧問指出,一場面試的嚴重扣分位,除了應徵者對於公司背景、職位要求、行業情況了解不足外,很多時一些不自覺的微細舉動,同樣會導致失分。如不想在見工競技場上GG,面試後作出檢討,事在必行! 「見工面試的程序和題目其實大同小異,所以面試後的檢討,一定要做。」安俊人力資源顧問董事總經理周綺萍表示,求職者需要檢討的,除了對答時的流暢度、內容是否夠豐富等Interview的骨幹外,某些大家以為微不足道的事,其實亦足以令候選人墮入扣分伏位。「面試其實是一個追求不犯錯的Process,只要你一犯錯,就會扣分。一些恰當的表現,例如準時面試,是理所當然的,所以應徵者不會因此獲得額外加分。」 反而對於面試經驗尚淺的Fresh Grad來說,最易遭受扣分的「失敗位」,通常是以下6大情境: 1. 一個小動作,足以鑄成一大個錯 見工面試時心情緊張,是人之常情,因為戰戰兢兢而不自覺地做出一些小動作,而又被面試官看在眼裡,往往都會被定義為「不恰當行為」,難逃扣分一劫。當中包括:玩手指、在座椅上搖來晃去兩頭轉、不斷撥那長長秀髮、沒有Eye Contact⋯⋯ 2. 面試時的節奏感,與面試官唔啱Beat!...
IB-level的工作你只認識IBD、S&T、AM、PB嗎?近年炙手可熱的Quant Trader你又是否認識呢?為何大家都說Quant Trader(Quants)是投行大勢所趨?其人工及發展有多好?甚至媲美IBD嗎?要怎樣才能成為Quants⋯⋯今篇文就為大家解答一連串對Quant Trader的疑問!如果你不僅想入投行,還想知道更多IB-level工作之中的大勢Roles,請繼續往下看。 Quantitative Trading是甚麼? 同學可以將Quant Trading簡單理解為有別於傳統Trading模式的Strategy,Quants會使用Mathematical Functions自動化Trading Models,應用Backtested...

十大熱門搜尋

Scroll to Top

Processing, please wait…