《置地記者》:馬雲解密—996與669的因果關係

《置地記者》:馬雲解密—996與669的因果關係話說某中國大陸科網巨企嘅創辦人 (即係馬雲啦吓) 不時同大家分享佢嘅人生大智慧同哲理,近來先後拋出兩組數字,「996」及「 669」都令人大開眼界、如雷灌頂、一言驚醒夢中人。

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 

溫故知新,先同大家解釋下乜嘢係「996」。喺大陸職場上,「朝九、晚九、六天工作」,算係一種相當普及嘅風氣。置記認識一啲南下來港工作嘅「港漂」,佢哋一年真係只有五日大假 (annual leave) ,一年 365 日入面放假休息嘅日子其實少之又少。

馬雲喺 2019 年 4 月嘅公司活動上面話,佢認為員工能夠「996」係一種福氣。意思係,「你而家唔 996 ,唔通老咗先搞埋啲咁嘢?」當然,馬雲都有強調,喺佢嘅大企業下工作,即使係 996 都比其他同樣刻苦嘅人有意義。說話背後嘅心態,類似係「你入得嚟少林寺就預咗要打十八銅人架啦!」每日工作 12 小時,對於熱愛工作嘅馬雲嚟講,可能真係唔係咩一回事,而佢亦期望員工能夠為公司同樣地付出。510x120-v2

▪工作狂7大病徵 你中幾多項

▪「你OT代表工作效率低﹗」涼薄說話失人心 上司應用這5句征服下屬

講完「996」,咁「669」係咩呢?又原來馬雲喺佢間公司嘅員工集體婚禮 (試想像《家有囍事》四對新人乘以 25 ,場面係幾咁壯觀) 上,表達咗對於員工生兒育女嘅立場。承接住佢要求員工秉持「996」嘅工作態度,馬雲話生活上,員工應該「669」,「六天、六次……」為免大家面紅耳熱,置記唔講得太白喇,反正大家能夠意會。

對於香港人嚟講,究竟係「996」難頂啲,抑或係「669」較難實踐?我覺得,「996」係冇得揀之下,被迫加班,被迫連星期六、日都返公司做嘢。呢種生活唔容易捱,但係為口奔馳嘅你同我,有時候都要秉承廣東人嘅精神—「頂硬上」。

相比之下,「669」係真係講緊個人體質,不論男女都係。已經有無數個調查顯示,香港人工作壓力龐大,在職人士與伴侶之間行房燕好嘅次數拾級而下。莫講話一星期六次,一個月六次,都未必有。馬雲提及要「久」,香港打工仔聽入耳,或者只會聽到「久旱逢甘露」,唔會覺得持久二字套用到喺自己同伴侶身上。

▪尋找打工烏托邦:全球邊一國年假多、工時短?香港人平均一日工作8.8小時

▪【在家工作千日好?】Home Office助平衡工作與生活,為公司員工製造雙贏局面

「996」同「669」互為因果,畢竟人人每日都只係得 24 小時可用,如果工作已經佔去一半,睡眠、進食、交通等時間又剩下幾多?然後七除八扣之下,仲有幾多精力可以用於繁衍後代、為家族繼後香燈出一分力?我真係好有保留。

如果要做到「669」,首先就應該揀份 work-life balance 比較好嘅工作啦。而家好多公司,尤其是銀行,都會每個月設有 “well-being” 嘅福利,講緊嘅係員工每月有兩小時提早下班嘅權利,如果合併兩個月嘅 “well-being” ,就係半日假囉。至於 “birthday leave” 都有進一步嘅演化,成為 “personal leave” ,即係不限於生日當日或當月放假。當年置記仲係職場新鮮人嘅時候,就聽到老闆斟酌究竟 “birthday leave” 應唔應該容許同事喺前一個月或後一個月放。試諗下,如果個同事係 2 月 29 日或 12 月 25 日生日嘅,佢冇可能正日享受到「生日假」架嘛!改名為「個人假」,又免除咗好多行政上嘅麻煩。

「若要669,不要996」,呢個係置記對於工作、生活與生育之間平衡嘅睇法。 30 歲前搏殺付出到「996」或者都仲講得通,但係 30 歲後,真係要開始愛惜身體養養生。唔知道大家又點諗呢?

 

置地記者
原本一心想做戰地,唔覺意去錯咗置地。 原本想走在最前線,唔小心做咗文員仔。 都係寫字嘅,都係記者啫,冇乜所謂啦。

檢視此作者的所有文章


閱讀:

合約寫明「過冷河時期」長達兩年﹖遇離職條款不合理 仍可作出抗辯

【90後揀工】公司規模不重要 抗拒淪為任意差譴的「勞工」

【追夢者聯盟】:港人快樂指數創新低?90後義工到汶淶「交換情緒」

 此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案