HR天敵逐個捉:Sales阿頭、會計部、IT人 無底線做醜人 宜與時並進自救

hr天敵逐個捉-sales阿頭-會計部-it人-無底線做醜人

人事複雜!企業設立HR人力資源部,就係專責請人到送走人嘅複雜工作,由面試揀人、培訓、表現評核,到激勵士氣、升遷調任,直至離職,過程中若與相關各部門未能好好connected,便會造成對立關係,招聘變招怨。到底公司內誰是HR的最大敵人?

天敵1號:營銷部阿頭

HR招攬人才,亦即須同其他機構鬥搶人才,搶唔到,急需用人嘅部門主管自然唔高興。以在前線打拚替公司賺錢嘅營銷部為例,入職門檻有高有低嘅sales正是生財寶寶,但當全世界都在打鑼咁搵營銷專才,人力市場競爭激烈,一直虚位以待嘅話,營銷部高管便怪HR爭輸行頭,阻住財路。就算請到人,營業員流失率極高,做兩做就走,浪費一番聘請心血,營銷部又係怪HR留唔到人。

▪ Son姐教路:點解要去討好HR?

天敵2號:IT部掌門人

以往資訊科技部被視為後勤支援部門,歸入營運成本,企業要重整架構,節省開支時,多會向IT部開刀,裁走大批電子精英無情講,HR同IT部又點會係朋友!風水輪流轉,隨住工商界高唱「數碼轉型」,依家IT部變成推動公司創新發展嘅當紅炸子雞,什麼數據管理、雲端應用、AI人工智能等範疇,求才若渴。人事部一旦跟不上當前科技用人大勢,禮聘不到合適精兵,加上培訓計劃落後不到位,反過來會被IT部提醒:數碼轉型,唔該由HR開始。

天敵3號:會計部大神

人力資源部同會計部,一個管人,一個管錢,互相扶持之際又彼此對立。職位空缺未能填補,或者各大部門頭目吐苦水headcount不夠,實情未必是HR辦事不力,而是會計部扭緊水喉,唔批錢落嚟,令到HR冇budget,無論請人train人、搞活動都綁手綁腳,加人工獎勵員工更是癡心妄想,人力資源總監變相做咗揸數部嘅擋箭牌,真係激氣到上心口。

▪ 中層管理人,兩面不是人

天敵4號:企業全員

每個行業各有自家部門分工,除了上述3大常備部門,其他界別嘅客服部、物流部、公關部……同HR嘅對立關係大同小異。誇張啲講,HR好可能係全員公敵。事關求職者與企業connected的第一環,就係人事部。若果遇到唔專業、冇禮貌、提問刻薄的HR大員,對這公司的印象大打折扣,種下惡因。入職後,HR對你的個人資料、薪酬、職位升降等重要情報了然於胸,教人避忌。公司一啲不得人心嘅政策,如減人工共度時艱、冇OT費、騎呢培訓項目等,概由HR出面執行,同事雖明知背後係腦細下命令,但對big boss無可奈何,唯有向代罪羔羊HR出氣。

最大敵人:HR自己

不過,一句到尾,HR的最大敵人,還是自己。投身人力資源界,最好學懂平衡遊戲,嚴守中立。既然掌握公司人事機密資料,那就封口密不透風,切勿是非當人情。雖則代老闆做啲dirty jobs,但眼見公司政策太過分時,都要夠膽替同事爭取,起碼搭建溝通橋樑,讓下情上達,另一方面提升員工潛力,改善工作環境。個人亦要增值,如今HR並非死板地in人計payroll,除了在面試培訓各層面引入新思維新科技,更須升呢為策略師,具備制定人事布局的遠大視野和能力,向HRBP (Business Partner)之路進發。

 

延伸閱讀:

老臣子即老海鮮 八、九十後太自我?各世代難逃被定型 正反兩面都要睇

黑心商店:職場毒舌風暴

辦公室無差別派帖!老海鮮「拆彈」情報:「最忌千方百計搵藉口。」

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

Increase your chances of getting hired. Create a jobsDB profile

Increase your chances of getting hired. Update your jobsDB profile

The most-talked about topics 

Scroll to Top