萬事起頭難?七成Startup失敗收場 前員工:「計劃永遠趕不上變化。」

FacebookWhatsAppTelegramEmailCopy Link

近年來,初創公司(下稱Startup)如雨後春筍,冒頭很快,但發展多數停滯不前,慢慢消失於市場。當然,也有些公司能茁壯成長,持續發展成獨當一面的企業。根據坊間不同機構的調查報告,世上約75-90%的Startup以失敗告終,福布斯(Forbes)在今年年中亦撰寫文章探討為何高達七成的Startup都結局黯淡。如果打算選擇進入Startup,謹記考查清楚喇!小編找來3位曾在Startup打滾的朋友訪問,統一結論是:不了,不了。

成日話工種會俾AI取代,其實另一面佢都幫緊大家製造就業機會,減少人同工錯配機率﹗呢件事係點發生?去片解畫啦﹗

Ryan:擁有10年Digital Marketing經驗,畢業後一直在大型的Marketing Agency工作,3年前毅然投身一間Startup。

Mandy:擁有8年E-commerce經驗,畢業後第一份工作是本地中小企,此後6年都是在跨國大公司工作

Irene:畢業後直接進入銀行的的MT Progamme ,一年前被挖角到Startup擔任CFO,至今仍在奮鬥。

天氣不似預期   執笠一瞬間!

Mandy和Ryan兩人的背景略為相似,都是土生土長的香港人,小學、中學、本地大學主修商科,循規蹈矩的進入職場成為一個上進的打工仔。在大公司中辛勤數年,由初級小薯慢慢升遷至接近經理級別,但日常工作卻有諸多不如意。Ryan早幾年已心思思想轉工,不時見工但都沒有合心意的工作。直至3年前,認識到一間剛在香港創設的英資公司,公司本身在英國得到天使基金進而赴港發展亞洲市場,目標是開創新式的自由創業平台。

他回憶道:「第一次和老細見面,喺一間Cafe,大家談天說地,講到創意對生意嘅重要性。佢嘅睇法同我好類似,對於Marketing都好着重。我而家喺大公司,好多時都容不下創意,少做少錯,唔做唔錯,沿用以往Marketing計劃,客人收貨就得。一直想轉間有大啲自主性、創意空間嘅公司,當下傾完已經對份工好有興趣。」結果,他正式投入Startup,的確體驗到前所未有的自由。

新公司只有10人,CEO及CFO都是英國人,同事來自世界各地,他成為了Marketing總監,擁有話事權,不再是汽車的小齒輪,反而成為司機能夠控制軚盤。可惜,整個部門只有2人,工作量相應增加,每天加班到10點是基本,偶爾還會在辦公室過夜通宵工作。周末一睡不醒,不時錯過與女友的約會時間,引來無數爭吵。有得就有失!難得適應了工作節奏,也慢慢找回生活步伐,偏偏公司發展不如理想,開始裁員。一起奮鬥的同事逐漸減少,Marketing部門只剩下Ryan一人,但他投入太多心血,捨不得離開,決心繼續拼博,深信能夠成功。

「最後梗係唔得啦!Startup有一個好大問題,就係財政不穩。因為理念吸引早期資本得以營運一年半載,但盈利未必能夠喺期間產生,好多投資者因而卻步,唔願意再冒險注資。我哋當時捱咗差唔多兩年,但公司發展遠遠不及英國,平台始終未能喺香港流通。投資者不再泵水,公司結業,我自然無咗份工。」他之後再投身另一間Startup,精挑細選,深入了解公司的發展前景,本以為可以闖一番事業,不出9個月又面臨同樣問題:財務不穩全面結束香港業務。

由29歲跌盪到32歲,他已有結婚打算,突然間失業令求婚及置業計劃暫時落空。「唉!現時打算搵返大公司,怕咗Startup喇。唔係唔好,幾辛苦我都唔怕,但首先要有份工先得。人生有好多計劃要實行,如果想結婚買樓生仔,工作嘅穩定性係一項重要考慮。目前我想搵返大公司,但可能前3年都係Startup,Pitch我嘅多數都係Startup,寄CV去大公司通常石沉大海。」

▪ 初創企業(Startup)啱你做嗎?十個好壞處分析

▪ 【90後揀工】公司規模不重要 抗拒淪為任意差譴的「勞工」

工作貨不對版   說好的大餅呢?

Mandy加入Startup大概9個月,原先是在國際服飾品牌集團工作,負責管理亞太地區的網絡銷售平台,因人工未能如期增加,工作內容沉悶,沒有成就感而打算轉工。因緣際會之下認識到新工作,公司原本在歐洲專營服飾批發的務業,現來港建立自己的零售業務。她的角色就是為公司開拓整個E-commerce市場,從零開始創造一番事業。公司人手頗多,約有30人,單單是E-commerce團隊也有4人,大家都等著她正式入職一起「打江山」。以上種種消息和認知均是來自公司的總經理!

抱着對未來的希望,她雄心壯志地來到新公司,結果發現貨不對版。首先E-commerce團隊只有1人,據說另外2人剛剛辭職,故索性留待Mandy親自請人。時至今日,她始終沒有請到人,「我都預左Startup無制度,好多嘢要自己摸索,所以冇期望過GM會俾啲咩指示我跟,一早諗好咗好多發展方向。即使入職後,遇到人手問題,我都冇有怕,最多自己OT多陣做耐啲。之不過,從來冇諗過我所有計劃都實行唔到。已經9個月啦,公司網頁的網店未架構好,Marketplace如天貓、HKTV等又未開到網店⋯⋯」

她的鬥志漸漸被消磨殆盡,原因有很多。一來是最基本的倉存問題未能解決;二來是商標問題未有注冊;三來公司政策朝令夕改,目標一周轉一個,同事無所適從,滿頭茫然⋯⋯「問題多到數唔晒。最重要係,我以為大家對E-commerce好重視,但事實很打臉,老細將E-commerce市場嘅排序擺得超低。即使我設了雙十一作為推出市面的最後限期,但老細情願延遲,只因為文宣唔夠華麗,要飛美國影多一次。唔使驚訝,係多一次,之前已經影咗一次啦!」現時她已心灰意冷,打算做夠一年做轉工,並且不再考慮Startup,以免重蹈覆轍。

▪ 公司突然倒閉?員工有優先債權 4 大賠償項目你要知

問題天天都多  一個打十個⋯⋯

Irene的背景與上文兩位略為不同,中學年代便前往英國讀書,大學碩士畢業後回流返港,直接考獲了大型銀行的MT Program,經歷2年的訓練,成就一身好功夫,被上司看重,初時不斷升職加人工,後期漸進穩定,待遇沒有提升,但工作量就不斷增加。

「我喺銀行負責 Wholesale banking,要跑數,壓力好大,按步就班嘅情況之下,人工好難追平工作量。於是乎打算轉工,當時無特別指定想搵返銀行,定係咩大公司,有機會咩都想嘗試吓!結果經朋友介紹就入咗而家間公司,屬於新興金融平台,因為人工相較下非常之高,加上感覺具有挑戰性。便豁出去辭去鐵飯碗!」

結果呢,的確是巨大的挑戰,明明擔當的是CFO,但工作範圍遠不止於此,更有大量意想不到的事務。例如化身HR跟進招聘,處理產品研發,與第三方合作夥伴傾談合約⋯⋯「用1個人當10個人用咁形容自己,真係冇誇張。我甚至連Marketing都睇埋,跟攝影師同Designer傾宣傳圖,古唔古怪?原因係間公司得5個人,大家咩都要做,Title真係浮雲,每星期開完大會,大家就分工做嘢,完全唔會理你原本嘅職務係咩。」

她對工作的評語是:好壞參半。好的當然是接觸了大量新事物,最壞就是忙到沒有私人時間,24小時都處於工作狀態,而且似乎看不到成功的果實,永遠只有:做做做。如果重來一次,她說:「應該不會選擇Startup了。工時彈性,公司充滿活力,自主性大可以話事,但對比起佢嘅壞處,我都係接受唔到。嗰種要求我工作至上嘅態度,要將公司當成自己生意,長期犧牲私人時間去工作,唔係人人受到。有人得,有人唔得,我試過喇,先知原來自己頂唔順。」

甲之熊掌,乙之砒霜。每個人對於工作的追求都不同,有人事業心強、創造力強、自制力強,願意在未知的世界拼博,或許適合Startup。有人雖有事業心,但未必有創造力,反而在明確方向裡更能發揮潛能。除了追求,也要考慮實際問題,Startup的財政的而且確比較混亂,容易面臨倒閉危機。高風險高回報,下決定前謹記三思。

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

Increase your chances of getting hired. Create a jobsDB profile

Increase your chances of getting hired. Update your jobsDB profile

想收到更多JobsDB最新職場資訊?

熱門文章
每年9月是大學會計系準畢業生投考四大會計師行(Big Four)的開鑼時間。Big Four全球合共坐擁逾100萬名員工,但新鮮人要擠身一席位,可謂「爭崩頭」。有應屆會計系畢業生指出,Big Four聘請畢業生起薪點僅每月萬多元、工時超長,但同學依然蜂擁報名,只求一道穩定而清晰的晉升階梯-——起碼捱到考獲會計師資格為止。另一邊廂,亦有Big Four新人捱到「懷疑人生」,準備拿著Big Four經驗轉行。 經歷疫情無間斷折磨,勞動市場一遍低迷,大學生就業率下滑。港大工商管理學(會計及財務)現屆畢業生Suki指,同學爭入Big Four的戰況比往屆更誇張,人人皆想趁早緊抱offer,增加揀工的籌碼,「我唔認為係單純係為攞Big Four銜頭,因為大家都知道,入去做真係好痛苦」。 外行人或多或少聽過Big...
經過咗各式各樣嘅Interview,等待嘅期間先係最令人煎熬!究竟你成唔成功通過面試?如果唔成功可以點?如果成功收到Offer 又應該點樣應對?繼續為大家揭祕! 1. Interview完咗成日叫我返去等消息,究竟Interview 後大約幾耐會有消息? Miss M (金融機構HR)︰如果嗰間公司想要你,Interview 後嘅一個禮拜左右都會有消息。因為有時HR 比較忙,需要時間同老細或者唔同...
   有些事情公認是辦公室「不能說的秘密」,譬如人工,一旦比較起來自然有人歡喜有人愁。日前有網民就於討論區分享自己無意中發現新入職的同事人工居然高過自己,令他大感心理不平衡,不知如何是好。 事源網民上星期迎來一位同職級的新同事,自己則比他早入職兩個月左右。兩人同為新人,關係自然較親近,經常一起吃午飯。但某次用膳期間,新同事無意中透露了自己的MPF供款,網民一算竟發現新同事人工比自己高$1,000多,令其大呻:「我開始有少少心理唔太平衡」,並指:「有時佢佢問我工作上嘅野,我都唔太想答佢。我知唔係佢問題,但個心真係會唔舒服……」,續向網民請教應如何面對。 ▪ 2021畢業生搵工最大難題:Fresh grad人工應叫價幾多? ▪ 被壓價應否拒絕Offer?見工面試傾人工 企硬、還價應對策略 大多網民認為此乃職場常態,勸樓主「睇開啲」:...

十大熱門搜尋

Scroll to Top

Processing, please wait…