新樓合唔合格?全靠佢把關 工程質量檢查員:「試過被業主反鎖屋內。」

FacebookWhatsAppTelegramEmailCopy Link

 新樓合唔合格-全靠佢把關-工程質量檢查員-試過被業主反鎖屋內

有一種職業叫:工程質量檢查員(Clerk of Works),佢哋為每幢推出市面嘅新樓把關,確保樓宇質量符合業界標準。嗱!業主能夠買到心頭好,成功上車建立一個溫馨簡單嘅安樂窩,當中就有佢哋嘅一分力。小編親訪有12年經驗的健仔,為大家分享佢嘅入行經過(嘩,出門遇貴人)、工作日常(吓,被業主反鎖屋內)、前景分析(正,人工最高有6位數)⋯⋯估唔到呢一行前景比小編以為嘅仲要好!

標準跟到足,買家收樓夠安心!

小編:「我們經常留意到新樓消息,但對於建造業的工作卻了解不多,究竟點為之靚樓?你們工作範圍是甚麼呢?」

 健仔:「哈哈!很簡單,符合業界標準就是靚樓。我哋必須擁有專業知識,檢查每一項工序或完成品是否符合業界及公司所訂的標準。坦白講,我哋嘅工作非常重要,確保總承辦商不會偷工減料,或延誤工期。日常工作大概係巡視地盤,檢查地盤物料是否合格,檢查工序是否根據已批準圖則去建造。另外,都要聽取總承辦商的進度報告及未來動向,如有問題發生,需要即時協助解決。當每個項目落成後,我哋必須細心檢查每個單位是否合符交樓標準,之後先可以賣畀客人。所以,你哋買新樓,有我們把關,會放心好多。」

▪ 地盤佬日誌:工程師的慢慢長路

▪ 基建頻出爐 測量師好「搶手」!經驗註冊測量師月薪高達八萬 成為測量師三部曲!

遇貴人入行,愈做愈起勁!

小編:「這行業難入嗎?你如何入行的呢?」

健仔:「我會用5個宇形容入行經歷:出門遇貴人。我喺一個地盤管理嘅課程中認識咗一位同學,佢遊說我一起讀相關嘅大學課程。最後因為有呢張證書,再加上自己多年工作經驗,順利入到發展商做工程質量檢查員,前景很好,愈做愈有火。其實申請呢類工作不太難,只要有5年或以上相關建築經驗加相關嘅高級文憑證書,就有見工機會。有人會選擇讀建造業議會嘅課程入行,之後再按自己喜好而選擇工作性質。」

小編:「這份工是筍工嗎?所以令你愈做愈有火?嘻!」

健仔:「我覺得挺好啊!5天工作、銀行假、每年大假多、朝九晚五,重點係適合我呢種喜歡挑戰的人。唔使日日困喺辦公室裏面,對着一部死物電腦,可以落唔同地盤,見到好多新嘢。每次交樓時,大部分客人都會找坊間驗樓師驗收,有時會出現長達幾十頁紙的defects,我們要逐一執修或者解釋,所以每個盤的情況都會不同,需要很高嘅應變能力。最大滿足感係客人收樓時大讚質素好,我開心時,嗰客又開心。日後到我自己買樓時都會好精明,哈哈!」

遇上可怕客人,被困屋內2小時,避入廁所求救!

小編:「您提到工作富有挑戰性,當中有無咩難忘經歷?」

健仔(激動中):「記得有一次,有位客人報稱主人房浴室漏水導致房間木地板發黑。經過之前嘅檢查,我已經發現問題所在,所以即時幫個客人處理。檢修當天,我如常帶師傅去單位開工。客人全身着了保護衣,命令我哋由門口開始鋪保護層,一路鋪到主人房廁所,只可以喺已經鋪了保護層的路上行,不能碰任何地方。大鑊啦!心諗呢個客一定很麻煩,但工作依然要做,更加要做得好。之後開始𠝹鑿,客人突然大叫,叫我哋工作時不准發出任何聲音。打鑿怎可能無聲呢?唉,嗰刻都心知不妙,果然佢之後致電公司嘅客戶服務部投訴,期間大發雷霆,仲將電話狠狠丢落地。」

小編:「(驚訝)嘩!客人如此不講道理,你們要怎麼處理?」

健仔:「有咩都先講sorry!當時不停道歉,想令佢冷靜落嚟。點知佢反鎖大門,困住我哋喺屋內,真係好恐怖。被困嘅我走入廁所,打電話向公司求救,事件擾攘咗兩小時。後來主動與客人和談,佢慢慢冷靜,畀我哋離開,最終由公司的客戶服務主任協助處理。」

▪ 新興行業BIM入行門檻相對低 起薪點萬五至萬八

▪ 吊船操作員:每日努力面對 「高」人一等的工作挑戰

建造業前景好,出路多,專業人士可月入10萬以上!

小編:「你在這行業做了12年,你認為前景如何?」

健仔:「幾乎每月都有新樓起,建造行業出路多,技術工人如果報讀專工課程,完成後就可以在地盤實習,由中工做到大工,每個工種都唔同人工。地盤管理人員範疇廣泛,當然可以從讀書進修考取各種專業資格,基本上擁有愈高的專業資格,人工亦會愈高。一般級別的地盤管理人員月薪大約3萬至5萬,高級嘅月薪大約5萬至8萬左右。而專業人士月薪更可達10萬以上。任何人對這行業有興趣,只要有心由低做起,同時又願意攻讀有關專業課程,慢慢一定可以變為專業人士。」

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

Increase your chances of getting hired. Create a jobsDB profile

Increase your chances of getting hired. Update your jobsDB profile

熱門文章
後生仔想投身廣告行業,只要拎住張相關學科的大學畢業證書,就是十拿九穩入場券?或者,在線下需求有減無增的世代,你就算無超級網紅Loren Gray的神級粉絲數量,但自家經營的IG、FB帳戶,有上萬忠粉在追隨,亦足以令有江湖地位的廣告公司向你招...

十大熱門搜尋

Scroll to Top