HR真心話!大專生疫境求職無回音?4招解救石沉大海的CV

FacebookWhatsAppTelegramEmailCopy Link

畢業季殺到,明明已經Send咗幾十封CV出去,但就無一份有回音?點解呢?日日睇JobsDB,見到疑似啱嘅Post即時撳「Apply now」,伸長條頸等電話,甚至連靜音都熄埋,見到3字頭電話飛身撲埋去聽⋯⋯結果:「請問係咪XXX?」→「係,我係。」→「你好,我哋係XX財務,而家推出低息貸款。」真係火都嚟。但下次見到陌生電話,都係會爭住聽,無計!疫症難捱,工作難尋,萬一真係HR打嚟呢?可惜,願望很美好,現實很殘酷。小編遍尋大中小企嘅HR朋友,綜合出4大秘技,使CV不至於石沉大海,來看看你有沒有做足?

2020年薪酬調查報告互動網站等緊你click入嚟﹗即check自己份工嘅人工中位數﹗

第一招:諗好行業  釐清自身條件

「你想做呢份工,同能唔能夠做,係兩回事。基本條件要達標!」

——廣告公司HR Leo

一畢業就失業,時勢又唔好,心情梗係慌張。人一慌,失晒魂,見到工就Send,完全無考慮過份工係咩行業,啱唔啱自己?所以呢,收埋你啲驚青恐懼,吸一啖氣,氣聚丹田,諗清楚自己想入咩行業、工種。當然啦,除咗諗自己嘅意願,最重要嘅係考慮你自己嘅實際情況。即係如果你化學系畢業,但想入行做會計,而一啲經驗都無,對HR嚟講就係白撞。

Leo嘅廣告公司喺業界薄有名氣,佢話:「成日收到好多九唔搭八嘅CV。明明我地出Digital Content Marketing Associate嘅空缺,講到明相關學歷要求係咩,但有啲讀Bio、Art、history嘅同學仔嚟Apply。OK,無學歷都唔緊要,咁係未應該其他方面要有啲關係,或者有啲相關經驗呢?例如你自己Run緊一個Page/YouTube之類。呢兩樣你都無,咁同份工真係完全零關係,點解我要見你?睇你份CV都浪費咗我1分鐘時間。」

謹記:
1. 學歷啱嘴型
2. 技術/資歷/經驗同份工有啲關係

▪ 【「煙腸」指南】六大搵internship門路 如何靠「碌手機」搵實習工作?

▪ 疫境求職—2020 Fresh Grad搵工五大助攻Tips

第二招:一工一CV  睇清招聘公司和條件

「連Profile 都係Template,用字又一樣,睇嚟都嘥氣。」

——本地中小企HR Natalie

申請一份工,簡單嘅撳粒製就得,複雜啲就自己Send email過去,總之就係易過食生菜。所以呢,係人都會想偷懶喇,用同一份CV去申請。咁就大鑊喇!即使係同一個職位名稱,甚至喺同一個行業裡面,間間公司嘅工作概要都有啲唔同。囫圇吞棗,得過且過,未睇清要求就Send,HR一眼睇穿。

Natalie喺本地中小企擔任HR,成個部門得3個人,所有CV都由佢過目。佢感嘆:「今年唔好景,即使係junior工都有啲Senior人Send CV嚟,畢業生係多咗啲競爭,所以要更加用心整份CV。因為我唔識你,淨係憑份CV去判斷你。好多時都收到啲罐頭CV。遮住個名,適用於同一個系畢業嘅所有人,完全無啲特色,連段Profile都係Template。其實Profile對於大學生嚟講好重要,key info seen first,畀啲心機寫,唔使花巧,但要將自己同份工聯繫,令我知道你真係有睇清楚份工要求啲咩,而你又符合條件。都預咗你哋無經驗,唔會期望你有幾勁,但我要知你呢個人屬於我target嘅人選之一!」

謹記:

  1. 按以下項目用Excel 列表記低自己Apply咗咩工:

申請時間|應聘職位|應聘公司|工作刊登時間|工作截止時間|參考編號|回音

(唔好懶,你一定會唔記得Apply咗咩工,開個表記低,一清二楚,個人都定啲。)

  1. 每一次Send過嘅CV都獨立成檔

第三招:Applicant Tracking System  自然咁加啲關鍵字

「呢個事界有ATSApply之前自己上網查吓,你份CV過唔過到電腦。」

——國際大公司HR phoebe

大公司好多都用Applicant Tracking System(求職者追蹤系統,ATS),自動分析CV,並保存到公司嘅數據庫裡面。你要留意份工嘅申請方式係咩。如果係直接Send email,恭喜曬啦,呢份工多數係人類(即係HR)用肉眼去篩選。如果係經一啲線上系統遞交CV,又恭喜你,因為電腦好實在,都係睇關鍵字做篩選,咁叫做有跡可尋。

Phoebe直接講:「電腦會篩過半數嘅CV,去到我手嘅多數都見得吓人。點樣可以過電腦,好簡單,一定要有Job Description上面嘅關鍵字,譬如要求嘅技能,或者係同份工相關嘅術語。舉個例子,一份Programmer嘅工,講到明要寫javascript,識Containers、 Micro-services、API、DevOps等。咁你份CV裡面就要好自然咁出到呢啲字。重點係『自然』呢兩粒字,唔使刻意,做得太突兀嘅話,去到我手都係會Throw你出局。同埋大公司同一時間多數有幾個post,如果你要申請2個,份CV一定要唔同,唔好一式一樣申請2次,要應因工作簡介度身改寫CV,獨立申請。唔懶得!」

謹記:

1.ATS坊間都CV格式,可以跟住去砌

2.標題用字、字體、字型、格式等唔好標奇立異,電腦唔識咁多野

▪ 【疫市搵工】市道低迷持續 畢業生或難覓長工 7大求職策略袋定旁身

▪ 【搵政府工】除AO、EO仲有乜「O」選擇?起薪$30,235應屆畢業生可申請

第四招:格式整齊企理  都係啦

「心急亂投石,最近收到好多古靈精怪嘅CV,錯字唔少,連次序都錯,唔好睇少啲最基本嘅野。」——Leo

Leo、Phoebe和Natalie 3人都表示自從疫症開始,收到很多古靈精怪嘅CV,大部分都係今屆畢業生。睇兩眼就知係申請者係漁翁撒網咁搵工,CV集各家之大成,左抄抄,右抄抄。Leo嘆氣:「英文句子文法大把錯處,錯字多到嚇親人,雖然呢啲野成日都講,但仲係大把人錯。我諗10份CV裡面,就有6、7份都有錯字。最誇張嘅係有啲改內容改到一半,明顯漏咗成段野,甚至Copy多咗幾句,內容重覆。」

Natalie笑說:「我哋睇CV,第一眼睇大格局,包括字體、字型、排版⋯⋯覺得順眼先會睇佢啲內容。如果份CV好凌亂,粗體、斜線、底線齊曬,顏色仲多過3種,行與行唔對齊,間距又唔齊,咁一定bye-bye。同埋啱啱畢業,都唔會預計你有好多內容,所以千祈唔好為咗扮到內容豐富,就咩都寫曬落去。我唔想知你中學DSE每一科幾多分!」

Phoebe補充:「內容上面,記得用倒序,教育和工作經驗都要由近期寫返落舊時。相關嘅工作經驗應該多數畢業生都無,啲補習就唔好寫啦。不過可以轉個彎,將啲同工作相關嘅技能列出嚟。教育部分,主修學科一定要寫清楚,相關科系嘅畢業生會優先。GPA過咗3,先好寫埋落去,得2.X千祈唔好寫。如果有Leadership,都可以寫明,會加到啲分,例如上過莊、做過學生會,咁講到畀我知你試過參與團體工作,應該同到人合作。課外活動係另一部分,表現到你個人唔算摺,應該有基本嘅社交經驗和技巧。義工個啲,有勁野先好寫,例如去孟加拉幫手起學校,賣旗嗰啲就算啦!」

謹記:

  1. Check姓名、電郵有無錯
  2. 逗號、句號、括號等等要統一,唔好一啲半形,一啲全形。
  3. 字體大小統一,12夠架啦。字型統一,拜託別用Times New Roman,好悶啊;都咪用豆豆體、Comic Sans,得意到嚇死人。Helvetica、Avenir、Calibri、Garamond呢幾款字體都幾好,簡單又得體。
  4. 全部數字唔好用英文,直接用阿拉伯數字代替,咁份CV睇落去多元化啲,又容易搵到重點。
  5. 錯字!錯字!錯字!一定要睇清楚,唔好自己睇,搵朋友幫手,你自己寫好難睇得出自己有咩錯。
  6. 唔好置中,唔好左右拍齊,全部靠左拍齊。行距、字距要一致,都唔好一啲間2行,一啲間1行。

總結:心幾累都要認真對待每份CV

我哋呢排都收到好多畢業生意見,話呢個時勢無工見,Send咗N封CV都無回音,心很累。咁好易陷入一個惡性循環,你亂申請,但求有工,愈心急,愈亂嚟,愈求其,愈無回音。最後,你個心更累、更灰,更加覺得搵唔到工。打醒精神,唔好藥石亂投,認真慎重對待每次申請、每份CV。CV就係你見HR嘅第一關,用準備面試嘅心態去寫,睇嗰個人都會感受到㗎!

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

想收到更多JobsDB最新職場資訊?

熱門文章
疫情改寫市場生態,企業管理層也需轉型,適應新營運模式。本地人力資源顧問分析銷售、IT等行業管理層最難適應的「三無」問題,但同時也是轉型契機,若能克服難關,就有望與後疫情時代接軌,以免流失人才甚至遭市場淘汰。 三無之一:無傳統F2F (Face to Face)營銷 傳統面對面營銷的沒落,可謂疫情帶來最大的轉變。人力資源顧問Alex提到,珠寶或名貴品公司、製作公司及升學公司等在疫情下首當其衝,無法舉辦展覽會直接接觸B2B客戶,致銷情大跌。Alex指出,當企業由線下轉型到線上銷售,顧客購物或購買服務看似更方便,卻拉長了選購過程,「個客畀唔到真實feedback你,多咗時間去諗買唔買,由選購去到checkout畀錢,中間多出好耐時間」。過往傳統面對面的推銷模式和對答技巧,並不適用於網上戰場。若管理層一成不變,只懂用舊有模式和指標繼續向員工「捽數」、質疑偷賴所以無成績,就會重挫員工士氣,事倍功半。 轉型之道:棄舊思維 擁抱線上數據 有管理層不再把昔日久戰沙場的sell客經驗掛在口邊,邀年輕員工一同設計調整與潛在客戶網上溝通策略,了解目前最新的線上潮流,如甚麼形式的文字、標題抑或廣告才能吸引年輕市場。以一間銷售廚房家電的企業為例,管理層沿用傳統面對面銷售的思維,就線上回覆客戶的員工設一系列指定要求,包括每字每句都要「以人為本」、有感受分享,但諮詢年輕前線同事後改變策略,「介紹越短越factual、排除個人感受,在線上銷售中看起來反而更專業」,令整個銷售過程更流暢。 在轉型大趨勢下,Alex建議管理層調整期望和目標,切忌盲目追求疫情前的生意量和速度,「雖然reach客速度慢咗,但至少有數睇有workload,管理層同老細都好交代」。企業也應檢視量度員工表現的方式,他建議管理層學習如何分析WordPress等網頁數據,考慮根據網站tracking、response...
培育人才,為年青人在工作上創造向上流動的機會,是信和集團的一貫理念。集團深明充滿幹勁及新思維的年輕團隊,不僅是企業的重要資產,也是打造更美好社會的人才。疫情下,為了讓年青人能「疫」流而上,集團於2021年推出大規模的「信和實習計劃」,向他們提供適切培訓及就業機會,共同實現信和「建構更美好生活」的願景。 ▲為了讓有志於地產、酒店管理或物業管理行業發展的年青人,於疫境中獲得培訓及就業機會,信和集團於2021年推出大規模的「信和實習計劃」,協助他們為日後職涯鋪路。 信和實習計劃 助大學生「疫」流而上 受疫情持續衝擊,2021年香港的失業率一度高見7.2%,創16年新高,對缺乏工作經驗的新鮮人來說,搵工實在難上加難。信和為了讓有志投身地產、酒店管理或物業管理行業的年輕人可以一展所長,於2021年推出最具規模的一次「信和實習計劃」。被取錄的137位大學生在為期6至8星期的實習過程中,加深了對集團業務及文化的認識,並進一步了解自己的工作興趣及志向,為日後職涯鋪路。 「實習計劃帶來了雙贏局面。」信和集團聯席董事兼人力資源總監廖懿妮女士表示:「一方面,集團為年青人在疫境之中帶來學習及就業機會,與此同時,年輕人的熱誠及新思維,亦為集團業務發展注入新動力,對企業的長遠發展,有正面影響。」 ▲信和集團聯席董事兼人力資源總監廖懿妮女士認為,「信和實習計劃」既可為年輕人於疫境中帶來學習與就業契機,他們的新思維亦同時令集團業務發展注入新動力。 ▪ 實習grad job首選做Big...
良好的求職者體驗(Candidate Experience)意味企業能夠從應徵者或僱員視角,優化人力資源管理,換言之,從求職者瀏覽一則招聘廣告開始,到見工面試、成功獲聘、履行職務等一切與企業有關的互動之旅,也是構成求職者體驗的重要元素。對發掘及發展人才一向關注的DFI零售集團,不僅善用近年的數碼轉型優勢,來優化應徵者體驗;招聘流程一體化之決策,更令集團旗下多個品牌在招才時,有一套不偏不倚統一標準,改善求職者體驗,從而吸引更多優秀人才。 優化應徵者體驗,是企業應做的Right Thing 「集團甄選員工時,對於公平公允,非常重視,所以不論任何背景的求職者,應徵時的流程與體驗,也是一致,不會因職級有別或任人唯親,而在評估時出現特殊優待的不公平情況,這亦正體現著集團『Do The Right Thing』的一大核心價值。」DFI零售集團Eric Choi (Head...

十大熱門搜尋

Scroll to Top

Processing, please wait…