黑心商店:疫情下補習老師遙距上堂遇學生「開大」?

FacebookWhatsAppTelegramEmailCopy Link

疫情期間,莘莘學子都一齊用視像教學上堂,對於學生、老師同埋家長都係一個新嘅挑戰。有位任職補習老師嘅朋友,就有幾件事想同大家分享!

2020年薪酬調查報告互動網站等緊你click入嚟﹗即check自己份工嘅人工中位數﹗

點解你後面有花灑?

話說視像補習係一對一教學。有位小三學生開左視像,Miss就見到佢後面有個花灑,問︰「同學,你係唔係喺廁所呀?」老師以為同學仔屋企太嘈,所以入廁所上堂。但後來發現,同學仔嘅鏡頭偏向上方,而同學仔嘅坐姿又唔係好自然,所以Miss忍唔住問︰「同學仔……其實你係唔係……開緊大大呀?」同學仔直認不諱,Miss 嚇到即刻落堂,叫學生處理好所有手續先再繼續!

唉!學校幾時復課呀?

作為補習老師,其中一項工作係要同家長溝通。停課期間,其實家長們都非常大壓力。小朋友長時間唔使返學,又唔可以出街,家長就要想盡辦法去照顧居家小童,仲未計有好多家長本身係需要返工﹗

於是,家長就將補習老師當做社工︰「你知唔知學校幾時復課呀?」、「學校都無支援,又無網上上堂,我個仔日日都好悶呀!」、「唉點算好呀?」。

當然,補習老師都明白家長嘅難處,所以都係靜靜地聆聽佢哋嘅苦水,令到各位爸爸媽媽有個樹洞可以傾訴下。

唔好意思,我哋唔補啦。

由於疫情關係,好多行業都受到影響,有爸爸媽媽亦因此而失業。因為生計受到影響,所以有個別家庭唯有暫時終止補習。補習老師聽到後,都感到十分可惜。

今次嘅疫情,令到各位老師、父母同埋同學仔都面對好大嘅挑戰,希望疫情早日過去,大家一齊繼續愉快學習,回復正常!

▪ 黑心商店︰「嚇」人永遠是對的

▪ 黑心商店 ︰不速之客—玩具店老闆VS老千買家

 
黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop
 
 
 

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

熱門文章
律師、工程師、廚師,都是「師」級之人,但大家對廚師行業,卻往往有比下去的偏見,在行內歷練20+年的Angelo Cheung,於多間高級餐廳掌過廚,在米芝蓮星光大道留過腳印,但被指「廚房佬」的有色眼鏡,依然存在。可是,這並無阻他的成chef...

十大熱門搜尋

Scroll to Top

Processing, please wait…