職場上，有時間觀念很重要，不少企業會設置一些出勤獎罰制度，以打擊員工的遲到行為。近日就有網民於討論區發文，直斥無良「蛇頭」公司竟實行「遲到連坐法」，表示若一個人遲到，就全員一齊扣人工，令其大感不滿，遂請教網民：「去報勞工處會唔會受理？」  樓主表示自己本想趁大學Sem break炒散賺下零用錢，怎料卻遇上無良「蛇頭」公司，並逐一列出其苛刻無理的規矩──起初「蛇頭」公司於炒散工WhatsApp群組講明：「即日請假係需要倒扣一日人工（即係冇咗嗰日嘅人工之外要再倒貼多一日嘅薪金，需要賠錢）」，而且「遲到十分鐘就會扣一個鐘嘅人工」；幾日後再行使「遲到連坐法」，稱「一個員工遲到就全部員工都會扣人工」，最後樓主補充：「出糧方面，一月嘅薪金會喺二月廿五號先收到」，他質疑該公司拖糧，但由於自己並沒簽約，所以不肯定，希望有網民可以解答他的問題。  帖文引起一眾網民熱議：  「見到一大堆字叫人唔好遲到會點點點就知係垃圾公司」  「提早10分鐘佢係咪俾番一個鐘人工我」  「我建議識玩就真係搵人遲到比佢扣，之後收集證據勞工處見」  「大把炒散啦，點解要返佢」  「每日返最後一個鐘，都係扣半日人工，好抵」  「發生咩事，點解咁既工都有人做」 ...

打工仔攞AL出門旅行，無非想完全放低工作，盡情享受沒有老細、同事、個客喺左近的Me Time，奈何十個老細幾乎有九個都會在員工放假期間，發訊息和你傾公事，於是乎，「放假老細仍WhatsApp你，該點算好？」一直是網上熱議話題，不少身受其苦的網民因而出謀獻計，讓放大假都照樣收到老細短訊的同路人，盡量可休假0打擾，安心放AL。  6成以上打工仔，放假時仍收到上司短訊  較早前有人資顧問機構向2千名打工仔進行調查訪問，結果發現超過6成人曾在放假時，接到上司、同事訊息，問及一些其實並無迫切性的公事，例如，「某個十劃未有一撇的計劃項目進展如何？」、「會不會出席Team Building活動或某某會議？」諸如此類的問題。  這種情況，的確會令原本帶著期待去放假的員工，因無法徹底從工作模式，切換至休假狀態，而感到非常無癮。於是，不少感同身受的打工仔，紛紛在網上獻計，希望欠缺「離線權」（Right To Disconnect）法例保障的香港上班族，可自求多福，盡量擺脫放假仍要面對公事之無奈。  ▪ 放假前指定動作──寫自動回覆E-mail...

香港IT界，有一種工作叫「T-contract」（T-合約）。它表面上不屬於政府工，但卻在各大政府部門裡面工作，被大家俗稱為T-con！性質類同於非公務員合約，但又只適用於聘請資訊科技人員。適逢2023年1月31日，現行的T25合約將會屆滿，隨後將會改行T26合約，酬勞加碼，對IT人而言頗吸引。  然而有坊間傳說指，一旦做T-con就難以重返私人市場，發展前景不大。對此，有人說T-con人工高於私人市場，真金百銀落袋最重要；亦有人說T-con工作輕鬆，準時收工；也有人說T-con缺少福利和假期，而且工作多是豬頭骨⋯⋯今次小編請來兩位現職T-con的行內人，為大家一一解畫。  Alex：現為政府部門的合約系統分析主任Contract Systems Analyst。  Johnny：現為政府部門的合約系統分析主任Contract Systems Analyst。  什麼是「T-合約 (T-Contract)」？   ...