見工緊張面紅口乾手震點算？4個準備克服面試恐懼症
時不時有網民出post呻：「搵工難，面試更難！」早前網友們便好似約定，一個問：「有無人好怕interview？」皆因他不屬presentable的人，講嘢一句起兩句止，面試那天食不落飯。另一位網民就求救：「見工太緊張大家會點做？我緊張到手震出汗啊！」；還有一位抱怨：「去見工好似畀人侮辱咁⋯⋯」
大批網友群起教路，並可分為兩大類型：
1. 洗乜怕面試！
「準備多d，多到有種講少咗都好似蝕左咁既心態，就唔會一句起兩句止。」
「其實無咩好驚，一次唔請算，見過下份。但幾次都唔請就要反省問題所在，可能真係你自己既問題。INTERVIEW最忌無自信，你係老細都唔想請個廢人。」
「少少見工tips，如果太耐無in過，頭幾份最好搵d工warm up下先。等個自信番左嚟，先in你想入嘅公司，起碼唔會後悔prep得少。」
「你應該覺得你同佢係平等，佢求人才，我求伯樂。佢唔請你，損失未必係你，可能係佢。」
2. 見工緊張有得救
「去到當傾下計，識答就識答，唔識答就唔識答。咁樣輕鬆D，個腦轉得快D，表現都好D！」
「睇過啲心理學片，會叫人提早去個場，坐低跟住搵人r水吹。你稍微熟習左個環境，就會無咁緊張。」
「每個情緒都有用。接受緊張，同緊張做朋友。唔好抑壓，任由佢緊張就得，好好體驗同享受下緊張嘅感覺。」
「入廁所聽首勁high既歌fing晒頭咁，fing完個人冷靜晒。」
有興趣的讀者可睇番原文：
怕interview
見工緊張
▪ 半數獲聘畢業生見工至少4次！面試要點實際展示軟技能助加分？
▪ 2021年招聘新趨勢！態度、個性較First Hon畢業重要 求職面試如何加分？
怕interview，緊張到面紅、口乾、手震⋯⋯因為怕表達、怕答錯，更怕結果不似預期──衰咗。然而，愈緊張成敗結果，便會愈怕，面試表現又會愈差，形成惡性循環。逆向思維，就是不理結果，只享受過程。係呀，係享受。試想想，去不同裝潢的office，見不同類型的HR，簡直是大開眼界的生命之旅。不過，就像生命中所有追求一樣，事前做好準備工夫，享受更佳。而這些prep功課，簡單如數字遊戲，讓求職的靈魂，找到見工的spark！
50%成功機會
收到見工通知，與其左驚右怕自己到時詞不達意，手騰腳震，不如先Yeah一聲，皆因這代表應徵者的成功機會，由0變到50%，升幅驚人！在芸芸信海之中，閣下脫穎而出，獲HR青睞，打入面試環節，成績已十分優秀，亦反映具備勝任職位的某些條件。當然，怎樣由到手的50%機會，再跳升至80%、90%，以至十拿九穩，總不能打天才波，須備戰充足。由了解應徵機構、鍛鍊表達能力、熟讀面試FAQ，以至衣着儀容，需要個人身體力行。坊間亦有無數攻略指點迷津，這處不贅了。「但封封信都石沉大海⋯⋯」那就不妨如聰明的網友所言，由一些門檻較低的非心儀工入手，期望容易有工見，達到0的突破。
478呼吸法
芸芸驅走面試緊張情緒的高招中，「深呼吸」的見報率頗高，但又甚為籠統。要精準點，大可學學美國一些醫學專家如Dr Andrew Well、Dr Beth Frates、香港的職安局都提倡的478呼吸法：
先從嘴巴吐出所有的氣；
由鼻孔靜靜地吸氣，心裏默數4秒；
屏住呼吸，心裏默數7秒；
最後再從嘴巴呼氣，心裏默數8秒；
完成以上步驟為一個循環，做4次循環為一個呼吸練習。
日常養成478呼吸法的習慣，有助放鬆心情，幫助入眠，特別是見工前夕，以及步進應徵公司門前，欲集中，試之呼吸！
▪ Fresh grad對首份工滿意度跌！認清5大搵工條件 助盡快搵心水好工
5分鐘打氣小儀式
面試過程中，要卸下驚恐、焦慮等心病，同時提高自信心，還須心藥醫。這可借助心理學的古典制約（classical conditioning）學習法，讓一個機制，啟動另外一個行為，如鈴聲＝食物。對於上台前、見工時易有怯場的人士，先要找到自己的「心藥鈴聲」，可以是一首歌、一句話、一個圖像、一個念頭等，找到後，刻意強化它，安排「心藥鈴聲響帶來好結果」的經驗，例如：每一次聽這首歌，都刻意感到自己自信十足。重複做，只要聽到歌曲前奏，已覺得信心滿滿。應用在interview前，花短短5分鐘，做個強心小儀式，聽聽打氣歌、或默唸打氣金句，當堂自信返晒嚟，魅力出晒嚟。HR君，放馬過來！
Hard Feelings歸零
但我們明白，現實邊有咁理想，不然，就不會有網民大呻去見工猶如畀人侮辱。一樣米養百樣HR，他們其中一種角色性格是「挑機」，又或者in人前被老細照肺、被下屬激親，以致在面試時火力過猛，令對方難受，其實錯不在應徵者。「莫道你在選擇人，人亦能選擇你」，求職者是平視面試官的，HR態度差勁的話，也許折射出該公司屬「不宜久留之地」，份工不做也罷。在不奢求結果，但求享受面試當下（見識惡質嘴臉也是一種另類「享受」啊），一期一會，將hard feelings歸零。隨着in得多，練得多，表現會好得多。Yo！見工？使乜驚呀！
此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。
