地盤佬日誌:工程師的慢慢長路

平時多數職業嘅人一生中只係升到一至五㳄職,但係工程師好多時一生中係升到五到十次職。

地盤佬日誌-工程師的慢慢長路

職位名:

工程師嘅職位名有啲好普通例如工程師、高級工程師嗰啲,有啲就同一個簡寫會有兩個解釋。例如PE可以係project engineer 或 principal engineer,但係有啲職位名就唔係呢行嘅人好多都唔知,例如graduate engineer同associate。我記得當年畢業時一搵到工,三姑六婆親戚就問我依家係唔係做助理工程師,我就答佢我個職位係一個graduate engineer(畢業工程師),佢就黑人問號:畢左業又畢業?有個高層朋友試過啱啱升完職返到屋企阿媽問佢升咗做咩,佢就答associate,阿媽就問:之前你唔係碩士畢業啦咩,做乜無端端又變返asso仔,咁樣佢先好詳細咁慢慢解釋佢嘅associate 係副/助理董事咁解。

510x120-v2

顧問公司職位:

畢業工程師<助理工程師<工程師<高級工程師<總工程師<助理董事<副董事<高級副董事<董事

 ▪地盤佬日誌:To迷惘的土木工程畢業生 

▪考香港牌好 還是英國牌好?資深工程師兼考牌教練為你拆解!

承建商職位:

畢業工程師<助理工程師<工程師<高級工程師<項目工程師<助理項目經理<副經理經理<助理董事<副董事<高級副董事<董事

Ps 間間公司的職位名有時都有啲唔同

 ▪工程人員搵工貼士:常見面試問題

 ▪機械工程師:鐵甲奇俠的基本功

點先升到職?

雖然工程師係有好多級可以升,不過其實每一次升職嘅人工加幅未必好大,之前試過有同事升職都只係加幾百蚊。不過如果升到去經理級有時項目分紅比人工仲重要(小則六位數字多則七位數字)。

工程師由畢業工程師升助理工程師係最容易的,因為主要係等經驗足夠就可以升(2年左右),升工程師就有分,承建商就上司鍾意你加足夠嘅經驗,高級工程師就再加幾年經驗就得。再高啲嘅位要升職就真係主要睇實力同緣份啦。

最後點都要祝大家步步高升。

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章

延伸閱讀:

新興行業BIM入行門檻相對低 起薪點萬五至萬八

地盤佬日誌:地盤管理

地盤佬日誌:地盤臥虎藏龍

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位