【自由有價】周未freelancer你估易做㗎?看似自由 實際工時長

【自由有價】周未freelancer你估易做㗎?看似自由 實際工時長

2018年秋季日劇開鑼,日本「國民老婆」新垣結衣擔正的日劇《無法成為野獸的我們》正式開播。今次結衣BB飾演一個30歲的女OL,第一集就描繪她這位「職場奴隸」的苦況,由於故事貼近上班族、特別是職場女性的生活,引人共鳴。看到結衣BB每天早上坐地鐵被擠成沙甸魚,坐尾班車回家累到路都走不直,加上要幫豬隊友「執屎」,幫老闆沖咖啡、訂機票、book餐廳,簡直感同身受!被工作迫得喘不過氣來,同時在想不如做Freelancer(自由工作者)啦,周末接小小jobs,累積人脈為全職自由身鋪路,仲可以自己工作自己話事,不用糾纏於繁瑣職場人事中……但原來Freelancer唔易做㗎!

1.拖糧

通常做freelance,公司不會即月找數,普遍習慣隔一個月或於一季後付款,而半年後找數亦有聽聞,壞帳個案亦屢見不鮮。由於是「街外人」,如被拖糧,獨坐家中的freelancer就要拚命思考如何追款,催促別人又感到不好意思,怕影響下一單job。而且freelancer也要極有條理,因為job太散,需要花費力氣來記住自己在不同的公司接了什麼工作,然後又要花費更多氣力去「睇數」。

貼士:記得將invoice分月份、公司及job description儲存在電腦上。 

2.工時唔梳乎

Freelancer等於「自己做自己老闆」咁梳乎?而其實Home Office的模糊界線,令freelancer的工時隨時比受僱長,就算可以放假休息,但有近一半自由工作者放假仍在工作。無他,因為一來多勞多得,二來要建立誠信,就要花更多的力氣!打工仔返9放6,freelancer可以無上限。

貼士:應該定立工作時間,養成早睡早起習慣,例如10am-6pm一定要開work mode!

3.廿四小時on call

很多時公司搵得freelance,都是「屎淋尿瀨」的緊急情況,而看似自由的自由工作者,就要24小時隨傳隨到,限時起貨,否則被指沒交帶,下單job就byebye。所以如果你本身有全職在身,接到的freelance類型會較有限,做資料搜集或翻譯可能較適合。

貼士:要訂立一定規矩給客戶,例如一單job只可以改三轉,以及要有清晰timeline,否則容易亂晒大籠。

搵搵有咩freelance職位﹗

4.Freelancer不是孤島 始終要對人

職場人事好麻煩?其實做Freelancer同樣都要對人!人脈是freelancer的資產,認識多些人對自己絕對有好處,要維持關係、友誼,同樣要花心機和時間,如何「R撈」而令人舒服,都是大學問。

貼士:與一間公司首次合作時,要主動及跟進徹底﹐打好關係後長做長有。

5.揀job的迷思

邊個出糧邊個就係老闆,即使你熱愛自己的freelance工作性質,但並不是所有的工作程序/題目都是你喜愛的,所以過程中同樣會帶來挫折和自我懷疑。

貼士:未試過的盡量試,試過一次着實受不了的客戶或者project,下次婉拒為妙。不過freelance始終收入不定,最好都是抵得諗「啃埋佢」,儲好客戶base及口碑,再揀job!

6.壓力油然而生

Freelancer講求絕對的自律,對自己負責,而且工作大多時自己一人,沒有同事可以分擔你的壓力和問題。此外,只要是工作,你仍然需要彙報工作進度,老闆又好、客戶又好,他們期望你能提供最好成果,壓力和緊張不比打工仔少。

貼士:調整自己的期望,不要被「freelance」個free字矇蔽理智,老生常談一句:「唔辛苦邊得世間財」。

7.最後一課:報稅點搞?(做全職freelancer適用)

話明是freelancer,接job當然無分公司,甚至愈多公司愈好,但收到報稅表就好大鑊,事關如此多不同來源的收入,如何整理?

貼士:如果你決定全職投入freelance行業,可以自行成立一間個人名義的workshop,申請商業登記,以自僱人士身份報稅,並將全部freelance工作收入歸納為獨資業務的利潤。

延讀閱讀:

【周末兼職達人】係咩驅使佢星期六日都兼職?炒散Event Helper做足十幾年

打工仔Part-time做乜好 小心唔好被捉到

我們有需要尋找「副業」嗎?

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Marketing / Public Relations職位