做Slasher（斜槓族）可能是人各有志，亦可能是人窮乜都要試。新聞系畢業生Felix曾經因記者人工太低，週末做兩份兼職幫補，身心俱疲兼「斷六親」；廣告從業員Ashley在疫情期間失業卻無失志，試過同時打四份工，不時踩通頂挑戰人體極限，仍然矢志打夠100份工。兩人都成功靠當Slasher捱過事業低潮，更憑斜槓經驗，在職場重新出發。
美國專欄作家Marci Alboher以一書定義炒散新生代為Slasher，喻意青年愛用斜槓一一在社群自介職業時，列出的斜槓越多越威水。Felix四年前初出茅蘆做記者，當時上司說：「唔愁無人做記者，所以人工無需要加」。他的月薪也持續「低迷」，長期維持1.3萬元，｢有時候交完家用就淨3,000蚊頂日常開支」，唯有周末休假時兼任撰稿員及特約攝影師。
▪ 不想打死一份工！畢業生做Slashie斜槓族有咩工作選項及好處？
▪ 【全天候WFH】斜槓入門攻略 Slash＝高級炒散廢青/窮忙族？ 講fun唔講金
籲年輕人：炒散也要長遠計劃
雖則Felix月入因此增兩三成，但代價是放棄社交，與同期畢業的友人漸行漸遠；長期兼職並無全職應得的勞工福利，更遑論升職加薪；隨年紀漸增，一周做足七日真的吃不消。不過，Felix憑兩年間斜槓三職，同時集齊多項技能，加上快速累積大量範例作品，獲製作公司聘為市場營銷主管，成功轉行後月薪多於從前三職總和。
儘管斜槓經驗使Felix覓得心儀職位，但他指在港生活不容易，百物騰貴，單靠斜槓未必足夠保障生活安穩。他勸喻年輕人兼職「炒散」之餘也需長遠計劃，確保收入有望持續增長。
▪ Slasher不務正業但求自由？九十後斜槓族：「唔想十年如一日。」
▪ 車衣女工重出江湖 成銀髮族slasher：「剩布車口罩，疫情下忽然售罄。」
3日瞓兩個鐘換3萬人工
Ashley畢業後同樣投身斜槓族，從事廣告製作之餘兼職賺外快，後來獲start-up製作公司聘為副導演，才暫時放棄斜槓生涯。「嗰陣好開心，覺得畢業無耐就做到副導演，一人之下萬人之上，拍嘅仲要係大星，例如鄭秀文、古天樂、仲有姜B等⋯⋯」，惟公司於2019年底因市道轉差而結業，不出數月又爆出疫情。Ashley 指2020年首半年最難捱，長達4個月無工開，「有機燈同事要轉做建造業，我識嘅同業有一半以上都轉晒行，有啲年紀大小小要養家，索性去考牌做燒焊工，只求收入穩定啲。」
疫情下大批廣告從業員轉行，Ashley則重拾斜槓族身份，由化妝品倉務員、日式火鍋店廚房工，到大小型展覽推廣員及她最討厭的刻板文職，她都涉獵過，畢業至今累積做過半百份工。最高紀錄試過同時打4份工，月薪破3萬元，但非常痛苦。她試過深宵拍攝後，還要漏夜趕做翌日早上的工作簡報，同日還要再開會構思商場展覽，三日兩夜合共休息不夠2小時。
Ashley指當斜槓族賺的是閱歴，滿足感勝過一切，圖為她從事兼職花藝師的留影。
儘管再苦，Ashley認為滿足感勝過一切，更定下一生要做夠100份工的目標，「 part time做唔同崗位，有唔同嘅場景同經歷，就有唔同嘅得着。呢6年可能我已經比同年資嘅見多一倍人，可能唔止㖭｣ 。她慶幸以Slasher身份捱過事業首個低潮，維持生計之餘，自由身也讓她隨時輕鬆抽身，趁最近廣告業復甦即重返本業。她決意往後利用工餘檔期，繼續挑戰百份工斜槓目標。
Ashley至今打過半百份工，包括化妝品倉務員。
Ashely叮囑未來有志學「分身術」當斜槓族的年輕人，要從在學時期開始抓緊義務工作的機會，「任何type都要試，即使老細一開始出手（薪金）唔係你預期，都要認真做。炒散可能係一兩日嘅事，但老細記得你認真嘅態度可能係一世」。
此文章由原作者及JobsDB HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及JobsDB保留採取法律行動的權利。
