地盤佬日誌 ─ 香港建築業面臨挑戰

之前市旺好多問題都因為大家都有錢好多事都可以大事化小。不過依家就貧賤夫妻百事哀。

政府

政府近年財赤字嚴重，同時香港經濟亦都唔好。傳統嘅經濟學裏面，通常經濟差就要政府就要大興土木咪推動經濟嘅。不過依家財赤嘅情況下大興土木喺民間（非建築業）都正常會反對嘅。我覺得政府都應該要吸收當年沙士嘅經驗，當年沙士就係經濟差嘅時候政府再緊縮減少興建所有嘢，令到個經濟更加惡性循環。

地盤佬日誌-組裝合成建築法（MIC）好唔好？

地盤佬日誌－做工程嘅未來？

我覺得依家政府就係要謹慎投資，不過將某啲一定要用嘅嘢都盡量快啲起，但係起樓嘅同時唔好再推行啲減少本地人手嘅措施，例如M.I.C同埋輸入外勞都希望佢減慢。

發展商

發展商好似好有錢咁，不過整體經濟下行，銀行貸款批核取向嚴格，又多人移民，內地人減少來香港買樓等等嘅因素。都令到發展商減少買地起樓。

【解僱賠償】不幸被炒點算好？遣散費、長期服務金、年假點計？被解僱要知8大Q&A

裁員| 兩大心魔阻搵工？打工仔被炒第一時間宜先拆解3大「心」層次問題

我就冇辦法叫到佢哋增加投資㗎啦。不過都希望啲發展商可以考慮佢哋自己嘅持續發展問題。適當嘅時候啱價就買返啲地。開始起返樓啦。希望咁樣就可以令到香港嘅經濟谷底反彈。

大判同埋則樓

政府同埋發展商冇乜新嘅推出，大判同埋則樓個情況都非常被動。要自救得幾個方向可以諗。最簡單第一個就係劈價，將個利潤劈到有咁抵得咁抵希望搶到啲生意返嚟做，養得到人保持到自己嘅規模。希望係下一次嘅經濟上升周期嗰陣時可以快速搶多啲生意。 第二個方向就係海外發展，當年沙士嗰陣時好多建築公司都係海外到接到啲嘢做續命，不過嗰陣時杜拜同澳門仲有內地都有大量機會。而家又要搵海外項目嘅就要加倍努力啦。

最迫不得已嘅就係要縮減規模，呢樣嘢就人人都唔想嘅。

希望大家都能夠努力生存，捱過呢個逆境等經濟向上嗰陣時就有路走㗎啦。