【權力遊戲】Apple裁員、挖角、換位，這些人事變動折射出甚麼玄機？

美國蘋果公司（Apple）是IT界的超級巨星，有乜依郁，如漆黑中的螢火蟲，分外矚目，特別是今年iPhone銷情欠佳，更罕有發出盈警，在強敵環伺下，除了減價一招，如何進行帝國反擊戰？從近期Apple大動作炒人又請人，連番人事變動中可窺見其背後戰略。

決策一、布局，Phone景以外

「開源節流」係老生常談，但又係最王道的對策。先談開源，既然不能過於篤定靠一Phone獨大，蘋果積極精進多項潛力業務，由機器學習及人工智能（AI）、電池開發、智能家居、零售各大領域，均有新官上任，或從內部擢升重臣管理，甚至首度為擴增實境（AR）部門設立高級營銷職位，反映這些都是蘋果今年重點深耕細作的範疇。新人事新作風，藉此尋求科技和銷售新突破，務要不落後於競爭對手，力保龍頭地位。

決策二、慳家，絕不手軟

而勁燒錢的非核心業務，如Project Titan自動車項目，就係節流的大前提下，重整架構，裁走200個職位（原有約1400人），部分組員調至其他部門，意味蘋果的無人駕駛企劃暫被打入冷宮。另有消息指一些部門也會放緩招聘人手。至於着意研發iPhone新一代電池，目的亦是減少對第三方配件的依賴，希望加強自主能力，從而降低成本，守住利潤。

▪香港撈IT之你睇我好，我睇唔到！

▪被炒實有代通知金？特殊情況下僱員或須即走無補水

決策三、用人，換位遊戲

針對關鍵部門，Apple是求才若渴，所招攬的業界精英，來源有三方面：

舊將：好馬不吃回頭草？Fit馬就okay。過往任Mac小組工程高職的Doug Field，曾跳槽去Tesla，去年8月回巢，管理Project Titan，他在電動車巨擘的經驗正好大派用場。

挖角：IT界向來愛玩音樂椅遊戲，蘋果優而為之。2013年便從Burberry重金禮聘（年薪比CEO庫克Tim Cook高8倍）Angela Ahrendts過檔打理零售事務。現在主攻電池開發，則請了前三星（Samsung）電池高管Soonho Ahn加盟。注意番，Apple善於撬人，對被挖角，似乎也不記仇。新請番嚟領導智能家居項目的Sam Jadallah，此君先前搞的智能鎖初創公司Otto，早期團隊中約有70%的人是從蘋果撬走的！

升人：去年4月從Google挖角的AI專才John Giannandrea升職，並晉身管理層。隨着奢侈化的昂貴iPhone滯銷，Angela Ahrendts將於4月下台，由做了30年的老臣子Deirdre O’Brien接替，盡攬公司人事與全球零售業務。另一位入職約30年的資深高手Frank Casanova同樣有運行，由負責手機營銷，獲任命帶領AR 部門營銷，為新一代iPhone衝鋒陷陣。

▪ 投身IT業　五大必備條件

▪ 香港IT人：女性入行做IT有冇優勢？

讀者或會問：

「唓，我唔係蘋果人，又冇買蘋果股票，佢人事變動又關我事？！」

「少年，你太年輕了。蘋果請人&炒人故事，再次提醒我哋啲打工仔女：

魚唔過塘唔會肥，人唔跳槽唔會升，固然是對的；但從未過塘的『老海鮮』，總有其過人之處、生還之道。喺奉行『優勝劣敗』、光速世代交替的殘酷科網圈，至少尚有Deirdre O’Brien和Frank Casanova兩大清泉，長做長有。或者正如庫克所說：『Deirdre深明蘋果的獨特文化，懂得蘋果之魂。』」

撰文：Yvonne Yeung

此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。