地盤佬日誌-工程師轉工潮
咁一句說話係如果想人工高叻做野都不如叻轉工。除非你一畢業就做政府工或者半政府工，平步青雲做到退休，直到永遠阿門。如果唔係多數人一生人裏面，唔多唔少都見過幾次工。
轉工潮？
我入咗行十幾年，基本上十幾年來啲人都吹香港話係轉工潮，因為工程工作嘅獨特性，基本上你任何時間上搵工網搵工（例如Jobsdb）都會有十幾間什至幾十間公司請緊工程師。
點解有咁多公司請人？
公司請人有好多理由：
培訓新人：多數大公司基本上每年都會請啲畢業生，畢業生人工平又係一張白紙，可以將公司理念直接打入佢個腦。
公司擴張：建築係一個唔多穩定嘅行業，有時一間1000人公司，做做下中錶一單要幾百人嘅項目，就要請幾百人。不過呢個情況大家來自五湖四海，要夾好都有一定難度。不過公司一時間要請好多人人工叫價都可以進取啲。
轉人：有人走就要請人，不論前人係比人炒定自己走，多數都好多蘇州屎。就算前人之前做得好好只係因為移民等唔關工作上嘅問題走都好，都會因為多數嘢已經行到一半，中間又有太多故事，所以要接手一啲都唔容易。要轉之前真係要搵個間公司做啲朋友收吓風先好轉去做。
魚唔過搪唔肥
每間公司每個地盤都有佢自己嘅文化，一個人係一間公司做慣咗，果間公司就係你嘅舒圈。公司都知道這一點，所以係公司做長時間之後你嘅人工多數係低於市價。公司要用這個價錢出外面請一個同級數嘅人係不太可能。所以公司都會用市價或以上請人。所以除非你係公司嘅明日之星，如果唔係的話幾年轉一轉對你嘅工作經驗同人工水平絕對有良好嘅幫助。
港夫．李澳
香港土生土長，近年來移居澳門，一個熱愛畫畫的地盤工程師。開立了facebook page「港澳小不同」，通過圖文來與人分享我心中所想。
檢視此作者的所有文章
此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。
