每一個行業同埋每一間公司都有新人同舊人,新人多數都有朝氣活力又有創造力,但係橫衝直撞有錯在所難免,通常都會搞隻鑊出嚟。舊人通常都比較四平八穩,叻嗰啲基本上可以乜都搞掂晒,但係都有啲又懶又渣嘅就分內嘢都做唔足。
▪ 辭職後資方留手尾:拖佣、欠Claim錢、未清假……打工仔如何依法了斷?
▪ 【職場癌細胞】看old seafood如何點金成石,將人才變庸才
成日話工種會俾AI取代,其實另一面佢都幫緊大家製造就業機會,減少人同工錯配機率﹗呢件事係點發生?去片解畫啦﹗ |
我眼中老行尊的定義係經驗同技術都成熟老練。有好多嘢好似好簡單但係內裏複雜,如果無幾十年內功嘅人好難可以睇得通透。我哋地盤嘅技術好多更加係易學難精,大面做法可能三幾年就可以做得好好,不過啲陰濕鬼鼠位就好講經驗,功力唔夠真係好易賴嘢。
對一個團隊最大傷害嘅成員就係老屎忽,佢哋自己生產力唔強但又打壓創意,無領導能力但又掗住個管理位。好多時一個前輩係唔係老屎忽唔一定好快可以認清,因為有好多老屎忽都可以吹到自己天下無敵,等你以為佢好勁,但係做就無能為力又A字膊。有啲衰啲嘅會打壓新人(其實係講我自己)。後生仔都要記住大個之後不要讓自己變成自己後生時最唔鍾意啲人咁樣。
▪ 人工10年前後對比:IT、會計、Marketing入門級職位 升幅最少係佢?
其實除咗好少數公司之外,正常公司都好需要舊人,因為有好多固有技術同約定俗成或者係幾年一遇的事件,如果無啲老行尊對程序嘅訊息,做起上來可能會大混亂。建築的例子有起公屋,其實本身冇咩困難嘅技術,但係政府有好多繁瑣嘅程序,如果建築管理團隊的主骨幹唔係做慣公屋的話係一定不停賴野。家有一老如有一寶係真的。
每個團隊都有新人同舊人,如果大家好好利用大家嘅優點去堵塞大家嘅缺點。咁樣嘅團隊先會係最強勁。
港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。
此文章由原作者及Jobsdb HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及Jobsdb保留採取法律行動的權利。