地盤佬日誌:地盤術語

每一個行業都有佢好多自己嘅專有名詞同埋俗稱,地盤都唔例外,呢啲術語一講出嚟,通常都係同呢個行業相關嘅人先會點解。

 

上網搵工術語

喺一啲築界嘅求職平台,你可能會見到有人搵工時會寫:本人白紙齊三寶唔係企鵝消防員飛機師洗手出糧 800

你係咪覺得隻隻字都識但加埋一齊就唔知佢講咩?等我用多數人都明嘅詞語嚟解釋一次:「我想搵工地盤,冇咩地盤經驗,有齊入地盤必須的三張基本證件平安卡工人、身份證,唔返到嚟行行企企唔做嘢,唔會返一日工就唔見兩日,唔會應承咗返工最後放飛機,要求日薪$800放工出糧。

 

來自英文的名詞

地盤有好多名詞,明明係中文但係外行人通常聽完都唔例如寶路華開士機等等。呢啲名詞多數都係當年由外國傳入的工具,因為當時呢啲工具都未有正式中文名,所以啲人聽到鬼佬點叫佢哋就攞近似嘅中文字音做佢個名。

寶路華blower係一部抽風機,可以抽風或當風扇用。

貓仔Bobcat):係小型裝載搬土機因為體積輕巧,機身又印有貓嘅圖案所以叫貓仔。

開士機material hoist):即係地盤用嘅物料升降機因為冇雙重保險裝置所以唔可以坐上去

大力佬叻架佬rigger):即係吊索工人,佢哋唔一定大力,而係用起重工具吊運大型貨件。

 

象形詞

有部份地盤常用名詞係按照嗰樣嘢嘅形態去叫佢個名,有啲都幾有趣,例如挖掘機或挖泥機俗稱叫雞頭,因為佢做嘢嗰陣時就好似一隻雞喺度啄嘢食咁。又例如塔式起重機又叫天秤,一端用吊運物件,中間為控制室,另一端以巨型混凝土塊確保平衡,個結構有似秤所以香港師傅多數叫佢做天秤。

 

有好多時呢啲特別嘅名詞係你入咗行慢慢做下做下就會識,我都只能夠簡單介紹一部分,有機會就你自己慢慢去領略啦!

 

港夫‧李奧

 

香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

 

檢視此作者的所有文章

 

延讀閱讀:

地盤佬日誌:地盤佬等於身體好?

地盤佬日誌:夏天,為地盤佬帶來汗水

地盤佬日誌:地盤佬的最佳拍檔──搵食架生

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位