如何應對同工不同酬?網民呻:新同事人工多1千!心理唔平衡

如何應對同工不同酬?網民呻:新同事人工多1千!心理唔平衡
Jobsdb content teamupdated on 21 September, 2021
Share

有些事情公認是辦公室「不能說的秘密」,譬如人工,一旦比較起來自然有人歡喜有人愁。日前有網民就於討論區分享自己無意中發現新入職的同事人工居然高過自己,令他大感心理不平衡,不知如何是好。

事源網民上星期迎來一位同職級的新同事,自己則比他早入職兩個月左右。兩人同為新人,關係自然較親近,經常一起吃午飯。但某次用膳期間,新同事無意中透露了自己的MPF供款,網民一算竟發現新同事人工比自己高$1,000多,令其大呻:「我開始有少少心理唔太平衡」,並指:「有時佢佢問我工作上嘅野,我都唔太想答佢。我知唔係佢問題,但個心真係會唔舒服……」,續向網民請教應如何面對。

▪ 2021畢業生搵工最大難題:Fresh grad人工應叫價幾多?

▪ 被壓價應否拒絕Offer?見工面試傾人工 企硬、還價應對策略

大多網民認為此乃職場常態,勸樓主「睇開啲」:

「人工呢樣嘢不嬲都係海鮮價」

「出嚟打工,實會有人高人工過你㗎啦,唔應該太計較」

「唔使勞氣,遲D公司要炒人都會揀D人工高嘅嚟炒」

能力或經驗不如人?

「不嬲同一個post都有個salary range,可能你同事之前比你經驗多」

「可能人地經驗同能力高過你喎」

向老闆爭取加薪?

「要爭取就跟公司講,唔好把氣發在別人身上」

「或者可以試吓跳草裙舞,順手試埋老闆對你嘅睇法」

還是辭職以示不滿?

「咁都冇計,一係你轉工」

「出到嚟做嘢成日都有,真係咁唔鍾意就轉工」

(欲看原po請按此

▪ 打工仔興起「秘撈」!疫情下薪金大縮水 搵外快忌講正職人工低

▪ 不再只為人工及福利!僱主要留住好員工,先了解打工仔想轉工原因

如網民所言,同工不同酬的情況的確十分普遍,究竟是何原因所致?

1. 市場經濟現況

經濟差與經濟好的時候入職,人工也大有不同。而公司請人時,多數不會調整舊人的人工,故經常出現人工被後來居上的情況。受疫情影響,全球經濟不景氣,公司請人亦會較以往手緊。不過一些「疫」流而上的行業,如物流、數碼媒體、網絡銷售等行業相信不太受影響。

2. 叫價技巧

Expected Salary叫價是與HR互摸底線的較量——開價太高,怕有獅子開大口之感;開價太低,又怕自貶身價。想要叫中公司預算的頂薪點,便要出奇制勝!不妨留意Jobsdb最新公佈的薪酬調查報告,了解行業市價,再按CV及Portfolio(如有)與招聘職位的匹配程度調節去叫價。一些需求大的行業,如IT、Digital Marketing人才,或有信心者,建議大膽叫價搏一搏;Fresh Grad亦宜開比預期人工高一點的價位,預留HR以新人為由壓價的空間。

3. 能力及經驗

若果遇到有能力、經驗又豐富,預計能為公司帶來價值的Candidate,公司亦願意支付超出預算的人工高薪聘用。能者居之,憑實力獲得較高的人工亦是理所當然。

▪ 3大人才吸引力法則:數碼化、招聘流程一體化、提升應徵者體驗

▪ GPA唔夠點算好?大學生報工必知各大行業GPA要求 3招解救未達標學分

那麼事已至此,樓主應該怎樣做呢?

1. 調整心態

樓主的不忿十分理解,但「人比人,比死人」,現時的人工只是一時,不應耿耿於懷,亦不宜對新同事心懷芥蒂。而且謹記:「人工不等同你的全部價值。」心態決定境界,應將目光放得更長遠,不亢不卑地做好本份。

2. 以良好表現說服老闆加薪

即使人工輸在起跑線,也可以實際成績爭取加薪。不過以交情或年資,甚或辭職要脅老闆加薪皆是不智之舉。除了有欠說服力,更有不專業之感。談加薪講求時機,例如公司業績增長時、職場實力有所提升時,加上持續為公司帶來的業績及價值佐證(單次/短期的成功不宜作談判籌碼),再誠懇地提出合理的加薪要求。配合天時地理人和,提高加薪機會!

3. 預備Plan B

談加薪前一定要有兩手準備,若果加薪要求被拒,哪一種發展更適合自己?

  • 再接再厲:即使最後未能加薪,但最起碼讓老闆了解你有此訴求,亦會對你多加留意。同時或許能從老闆口中得到反饋,作為日後改進的方向,下次便能提出更有力的加薪依據,離成功愈來愈近!

  • 跳槽:正所謂「魚唔過塘唔會肥」,轉工一般會有10至15%的人工升幅,是升職加薪遠遠追不上的,故不失為談判失敗後,另謀出路的上策。

人工差異雖受不少外圍因素影響,但工作能力絕對是你最好的籌碼。經常自我增值,加強實力,自然配得上更高的人工!

 

此文章由原作者及Jobsdb HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及Jobsdb保留採取法律行動的權利。

More from this category: Career development

Browse top search terms

Did you know many candidates preparing a resume also research their industry by exploring top search terms?

Subscribe to Career Advice

Get expert career advice delivered to your inbox.
You can cancel emails at any time. By clicking ‘subscribe’ you agree to Jobsdb’s Privacy Statement.