地盤佬日誌：地盤佬溝唔到女？
好多人會覺得地盤佬係唔受女仔歡迎嘅行業。但係根據我非正式統計，地盤佬裏面嘅單身狗比率絕對唔比其他行業高。(可能因為好多人轉做地盤嘅原因係因為家庭或伴侶嘅經濟壓力。)
▪ 下載ios版本Jobsdb手機app 或 下載Android版Jobsdb手機app
外人的誤解
一般人一提起地盤佬就會諗起 粗魯、粗口、嫖、爛賭樣樣齊。等我逐樣講下啦。
粗魯：係，多數地盤佬都好粗魯，不過從事技術性工作嘅人好多時都係粗中有細，真係單純嘅粗人其實係做唔黎嚟。
粗口：老實講做地盤佬其實好難唔講粗口，本身講粗口就已經係地盤文化嘅一部份，不過又唔係每一個地盤佬做到返屋企都會講粗口，見過有啲人返工每一句都係粗口，但係一放工就好似熄咗掣咁一句粗口都唔講。
嫖：好似每一個男人比率特別高嘅行業（廚房運輸地盤等等）都俾人覺得係雞蟲嘅行業，但係我覺得去滾無分職業貴賤，有錢人有有錢人滾嘅方法，窮人又有窮人嘅方法。去唔去滾純粹睇你個人定力。
爛賭：我覺得地盤佬鍾意賭嘅比率算幾高，不過佢地好極端，一係就好懶惰做嘢好「嗱西」、一係就好熱血做嘢好勤力。
jobsDB「引才法則」調查報告顯示，建造及建築界人才最重視以下工作因素﹗立即click入以下圖片睇更多該行業之打工新趨勢﹗
地盤佬有咩好？
地盤佬有咩獨特嘅優點呢？
- 多數地盤佬都唔怕污糟，因為冇嘢污糟得過地盤(sosad)。
- 人工高，近年香港地盤佬如果開足工的話人工唔會比一般白領低，如果係釘板/紥鐵/石屎佬人工可能比一個中低級白領管理高。(不過無咩福利同容易比人拖薪）
- 專業的工具人，通常多數地盤佬屋企壞咗任何野佢哋都有方法搞掂佢。刻苦耐勞，擔得抬得。(可惜我弱不禁風)
- 陽氣超強，我係地盤裏面大大話話都見過過千個地盤佬，不過都冇見過一個乸型。
- 多數地盤佬都幾顧家㗎，真心講做地盤咁辛苦﹗做得地盤，多數人都係為咗家人生活好一點。
咁地盤佬受唔受女仔歡迎？
雖然我好hard sell 地盤佬係好嘢，不過老實講我覺得香港地盤佬係唔算受香港女仔歡迎，始終藍領在香港社會地位唔算高，不過百貨應百客，如果你係一個優秀嘅男人，不論你係地盤佬定垃圾佬就會好似漆黑中的螢火蟲咁，最後都會找到你嘅the one。
港夫．李澳
香港土生土長，近年來移居澳門，一個熱愛畫畫的地盤工程師。開立了facebook page「港澳小不同」，通過圖文來與人分享我心中所想。
檢視此作者的所有文章
此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。
