地盤佬日誌 - 鐵路工務督察

地盤管理工作一般由工程督察(Inspector)配合駐地盤工程師負責。 

鐵路工程督察做啲咩？ 

主要負責監察承建商喺地盤施工，確保工程進度、質量同安全，並及時匯報、處理喺工地上發生嘅特別狀況。簡單講，工程督察就好似一個管家咁，對地盤大小事務都要瞭如指掌，以確保工程按相關條例、要求完成，如期交貨。  

▪ 地盤佬日誌 - 鐵路工程師

▪ 地盤佬日誌 - 香港鐵路發展

做鐵路工程督察有咩好？ 

鐵路工程項目係大型嘅基建項目，涉及唔同工程專業，包括土木、機電、屋宇裝備、以至鐵路專用嘅系統，例如軌道及信號等。 

成為港鐵項目及工程拓展業務單位(Capital Works Business Unit)鐵路工程督察，你就有機會接觸到唔同嘅施工階段，仲可以同唔同專業範疇嘅人士一齊合作、協調，各司其職，擴闊自己嘅眼界。 

仲有呀！每日落手落腳參與地盤嘅工程，由零開始見證每個工程階段完成，直到開始營運，每次經過自己有份參與興建嘅鐵路綫同人來人往嘅車站，的確好有滿足感！

港鐵亦好重視安全，致力提供一個安全嘅工作環境，令員工可以發揮所長。 

▪ 地盤佬日誌 – 鐵路工務督察

▪ 地盤佬日誌 – 發展長遠鐵路事業

晉升階梯 

港鐵設有清晰嘅晉升途徑，以工程督察為例，初階為助理工務督察 (Assistant Inspector)，晉升一級為工務督察(Inspector)、再晉升一級為高級工務督察(Senior Inspector)，一步一步仲可以成為總工務督察(Chief Inspector)，帶領整個工程監督團隊。 

港鐵嘅工務督察喺事業發展仲好多樣性，如果持續進修，考取專業資格，符合相關學歷同工作經驗嘅要求，仲有機會調升為工程師！ 

(資料由客戶提供)

港夫．李澳

香港土生土長，近年來移居澳門，一個熱愛畫畫的地盤工程師。開立了facebook page「港澳小不同」，通過圖文來與人分享我心中所想。

檢視此作者的所有文章 

此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。