應否apply曾經in過嘅工作？網民：一份工見4次終成功 原因竟然咁簡單！

有網民在論壇開PO問：「你哋會唔會再in以前in過嘅工？」網民接着解釋：「講緊唔係公務員嗰啲，因為之前in過一間bank，但1年前冇offer，如果同一個post又請人，你哋會apply？」

其他網友就話：

原po link:LIHKG

▪ HR真心話！大專生疫境求職無回音？4招解救石沉大海的CV

▪ 【Fresh grad面試攻略】見工5大能力測試，最新基準你要知

細心睇，網民問題中，帶出兩個求職處境：in（面試）和apply（申請），前者多屬被動，後者多是主動。所以「再apply過以前in過嘅工」，即是再次申請而如果HR又再給予面試機會，那當然如一些網友所言：why not？而且經過1年時間，網民個人或會有所成長，面試前針對上一次失分部分，改善表現，做足備戰工夫，增加應徵成功機會。

相信網民的心態是：失敗過有點卻步，所以見該公司再請人，猶豫着應否apply？這因情況而異，當中面試和再申請時間相隔，以及冇offer原因都是關鍵。

把握再apply良機

• 若果是第一次apply又有得in，面試時自問表現無重大失誤，可能因要求薪金過高、對手太強等非戰之罪，最後與職位失諸交臂。過了一段較長時間，像網民所言一年的話，那個post又請人，而你仍然有興趣，不妨再申請。當然，求職信不能照抄舊版本，須根據現況來修改，務求更加切合職位要求，希望能入圍面試，再擊即中。
• 若果是第一次apply而冇得in，公司再出post請人，大可應徵。又若果那是你的心儀企業或職位，就算沒有登招聘廣告，相隔較短時間，可以是三四個月再自薦。因為HR上次對你的申請無反應，也許是太多應徵者，你變成滄海遺珠；亦可能是第一次覺得你不適合，但人事部認定的fit馬，入職後表現欠佳，遇上你再次求職，咁有誠意，何妨給你一次機會。畢竟，做工既講實力，亦講緣分。

▪ 見工後的follow-up/thank you email作用大不大？抄範本或弄巧反拙……

▪ 見工前要交身份證副本？社交平台招聘告示難分真假 求職騙局呃個人資料

算罷啦，搵過第二份

• 第一次apply好彩有得in，而無offer，究其原因是面試時表現差劣，如遲大到、事前毫無準備、按捺不住脾氣與有心挑機的面試官反枱⋯⋯一年半載後該公司再請人，係就係經過一段長時間，但仍不建議閣下冒險應徵，除非HR失憶或換了人。
• 第一次apply可惜冇得in，然而好鍾意份工，不理公司有無出廣告請人，相隔一兩個月再嘗試申請，相隔一兩個月又再嘗試申請⋯⋯多次短期內重複應徵同一職位（比上文提及的自薦者更密密send），期盼HR青睞，甚至應徵同一公司不同職位。這些老是常出現在人事部眼前的「有心人」，不是令HR尷尬，而是厭煩，更會被blacklist。幾鍾意份工都好，過猶不及，求職不成變求敗，切記。

此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。