Son姐教路：學歷與前途的對話

讀者：「Son姐，我有幾個問題關於學歷同前途想問問你意見。我本身係外國讀大學讀到year 2，之後經濟問題deferral，而家出做嚟做野又想讀返個bachelor degree，但無從入手，想問問你意見。我見有top up degree讀但唔肯定有冇用，我希望讀到個政府認可嘅資歷架構五。但我一定要讀part time，而家份正職好困身。我好怕讀錯野嘢，嘥錢事少可以再賺，最怕嘥時間！」

Son姐：「點解突然想讀返書？為張cert還是為什甚麼？」

讀者：「就快30歲，唔想浪費太多時間，要張cert為晉升。」

Son姐：「你份工要靠學歷冇cert冇得升？」

讀者：「唔係，不過認受性較大，因為我英文好，好多人以為我實實在在拎住degree，但其實我得大學二年級學歷，感覺好似唔完美！想知應唔應該讀返個degree，有degree好易晉升同有資格要求加薪，好似比較好。」

▪ 想增加獲聘機會？Profile別忘了這些吸睛細節

Son姐：「直話直說，你讀張文憑返來嘅價值都不如用你去讀大學嘅一少部份錢，搵我做你個career coach，省時慳錢又真正幫到你，有價值多太多。你好迷惘，你唔使字裏行間講我都睇得出，但你嘅前途同你有冇大學畢業，我睇唔到有任何關係。你認為自己冇degree唔夠人爭係輸蝕，作為資深獵頭人的我話俾你聽冇咁嘅事！你要升職想進步，首先要懂得檢視自己不足之處！今時今日，大學文憑代表得了甚麼？就算頂尖大學畢業，都唔代表個個係尖子。一畢業出來揾工或者可能有多少幫助，但工作一段時間之後，有冇讀過大學或者邊間大學已經不是重點。講到底，公司老闆請人，係因為要人用，唔係要文憑。所以想出人頭地，幾時都係憑自己，唔係靠文憑！一個讀完大學有degree就一定贏一個冇讀完大學冇degree嘅，我講你信唔信？」

讀者：「唔信，等同之前做假學歷嗰位都做咗政府唔同部門好耐，職位唔低，佢唔去ICAC申請都冇人揭發，咁即係佢嘅工作能力同學歷冇關。只係有時都受而家同事嘅思想影響，想讀返個學位為將來晉升。」

▪ 你的同齡人，正在無聲無息地拋離你

▪ 畢業生投身職場必備的十項技能

Son姐：「所以我話你盲頭烏蠅自亂陣腳，你需要嘅係搵方法方向，唔係搵個degree讀。 你都未到30歲，三十而立你都仲有時間。點解咁冇自信？你的自卑感從何而來？」

讀者：「唔肯定係唔係自卑感作祟，不過感覺上要做到management級就要degree先得，加上我做嘅行頭窄，冇咩出路，話amateur又唔係，話專又唔敢同人地比，所以覺得既然practical唔夠人好，就嘗試academic上做得更好。」

Son姐：「行走江湖靠嘅係硬橋硬馬真功夫，唔夠人打應該點做你話我知？畀心機操練磨練有用，定係返去睇多幾本秘笈？點解要同人哋比？你就係你，係獨一無二嘅你，只需要成為最好的你就夠。」

讀者：「可能我真係俾社會同傳統思想影響到，我都聽人建議過如果讀公開大學嘅社會保安學位不如去考PC磨幾年。」

Son姐：「自己唔夠人哋打，就要知道自己缺點係乜嘢，李小龍話：『我不害怕曾經練過一萬種踢法的人，但我害怕一種踢法練過一萬次的人』，邊個好打得過李小龍？俾心機練真功夫，憑實力得唔到嘅職級職位，任何degree都幫你唔到！」

 此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。