當工作遇上懷孕、生仔兩大關口:新手媽媽面臨最tough的職涯抉擇

女人30壓力大,結婚、生仔一條龍殺到,雖說是大部分人的必經階段,但對於一個普通打工仔來說卻是重大挑戰。大肚期間每日逼返工很疲累,身體轉變為工作帶來的不便,更別提生完後湊仔加工作的雙重困難,令人喘不過氣!小編好友Jane和Zoe剛剛成為新手媽媽,前者是紅酒公司的銷售經理,阿囡5個月大,現已重返職場;後者是廣告公司的設計師,仔仔10個月大,現已轉為兼職工作。她們是如何抉擇的呢?關鍵就是:計數。

第一階段:大肚期間  身心靈的擔驚受怕

Jane作為紅酒銷售經理,平日工作與酒為伍:試酒、品酒、出席酒會等,自從大肚後,便即時暫停所有類似活動。「同事初時都會體諒,我也轉換咗工作內容,以湊客為主,新客留畀其他同事。但去到好忙嗰時,特別係大型展覽或者活動,都有啲同事會唔高興,串我兩句話都未見肚就做咁少嘢。好無奈啊!其實當時我有孕娠糖尿,都陀得唔太穩,本身已經好擔心BB,真係無辦法再喺工作上博殺。」雖然被埋怨的情況只屬偶然,但也對她形成一定的心理壓力,總是怕「煩到人」,所以很多工作情願帶回家,連星期六日也繼續做,以證明自己的工作能力沒有下降。

▪ 政府推行14星期有薪產假將落實?準媽媽要知僱傭條例中的放產假事項

▪ 4大歧視條例保障僱員—具敵意的工作環境令人不安 或觸犯相關條例

Zoe作為設計師,一向是夜貓,愈夜愈有靈感,但自從大肚後就不能再捱夜,初時工作進度大降。「我地公司成日OT,哈哈!文化嚟㗎,大家慣咗夜晚傾橋,傾完嗰吓最有feel,多數會即時做嘢,一忙起上嚟就忘晒形,做到唔記得時間,凌晨1、2點先返到屋企。大肚後真係好唔慣,夜晚好易攰一定要瞓,啲嘢做唔晒。同事都好好,無人追我,上司都主動幫我減輕工作量,夜晚開會都叫我早啲走。只係,我覺得自己好廢!」原來,一起成長的軀體突然間發脹,孕婦自己都未必能夠適應身體的轉變,別人的幫忙和遷就更加令她感到無力和內疚。後來漸漸適應大肚的節奏,一洗夜貓作風,日間也能有效率和靈感完成工作,才找回工作上的信心和自我價值。

第二階段:生完仔坐月  身體變化比想像中更可怕

Jane一直和老公、老爺、奶奶一起生活,生了囡囡後由奶奶幫忙坐月,得到悉心照顧後身體漸漸回復元氣。奶奶曾經照顧多個初生嬰兒,湊孫得心應手,她的煩惱不多,最大困擾只是──瘦身。「生完之後,一來全副身心留意個B,二來個肚仲痛,初時都無咩留意自己有幾肥。等到慢慢步入軌道,日日好食好住,有日照全身鏡先發現自己肥過隻豬,嗰吓即時喊出聲。」產假只有6星期,她在第4星期籌謀瘦身,奶奶拚命制止,並對她說:「生完一定肥㗎啦,你餵緊奶,點可以減肥?」於是乎,她帶着10幾斤肥肉重回職場,沒想到時至今日仍瘦不下來。

Zoe沒有長老幫忙坐月,奶奶早年過身,媽媽對坐月一竅不通,只好聘請陪月幫忙湊仔。計劃以陪月專門湊B,阿媽處理簡單事務,例如買餸、煲代茶、煮午餐晚餐等。可惜事與願違!「我坐完月,唔止身體肥腫,塊面極多黃褐斑,皮膚鬆弛,重點係身體變得好差,成日腰痛、背脊痛、眼花⋯⋯無諗過自自己會變到咁。唉!諗起陪月都一肚火,只可以講句大家夾唔到。嗰陪月成日一副佢係專家嘅口吻,要求我樣樣聽佢講,挑剔我買好嘅BB用品,又話我啲廚具煲唔到湯,呢樣嗰樣,煩到我心情好差,更加唔好講幫到我補身。呢一個月簡直係折磨!」

第三階段:重回職場  泵奶、湊仔、記性差⋯⋯

「生一個蠢三年」這一說法得到她倆人的齊聲認同(哭笑)。坊間不少研究都證明這句話有一定的可信性,主要原因是受到荷爾蒙的影響,腦裏黃體酮和雌激素水平改變,再加上新手媽媽湊仔身心疲憊,半夜餵奶睡眠質素降低等,注意力難以集中,自然變得「無記性」。Jane表示:「生完記性真係差咗,返工第1個星期好多野嘢都要問番同事。以前跟客啲嘢聽完一次就會記得,而家轉個頭就唔記得嚕,哈!哈!唯有記晒落電話嗰日曆度,善用科技,慢慢上番手就OK。」除了善忘,她比想像中更容易重新適應工作,銷售要追數,忙起上來,連想念囡囡的時間也沒有呢。

▪ 各國產假比拼:德國、加拿大產後休假逾年 美國準媽媽產假不帶薪?

▪ 資深陪月員入行逾廿年 唔止煮飯換片湊B:「照顧媽媽情緒最重要。」

Zoe恰好相反,即使回到職場也一直無法專心工作。「成日心掛掛阿仔,每次泵奶就更加掛住。本身泵奶已經好麻煩,定時定候霸住廁所,諗起都唔好意思,好彩同事十分遷就,仲特登喺雪櫃留一格畀我用。」同事雖好,可惜她不能夠重新適應OT文化,因為回到家中已是深夜,完全沒有時間和仔仔相處,心酸難耐。

第四階段:最後決定  去或留最重要計清楚條數

Zoe在工作3個多個月後決定辭職全職湊仔,打算當孩子讀M班或者幼稚園才重投職場。「呢個決定好艱難,我同老公都唔係有錢人,仲要供樓,兩份糧加埋有6萬幾,好好洗。如果我辭工,錢少咗一半,養仔洗錢只多不少,好難捱。但每晚返到屋企,阿仔都瞓咗,工作進度又慢,反而星期六日我一路湊仔一路做嘢,效率仲好。於是乎,我浮起咗做part-time嘅想法。」

她和老公計數,將未來2年洗費分類:

  1. 供樓、水電煤、上網、電話等家居洗費每月約$18,000(每個家庭不同,只供參考)2. 尿片、奶粉、BB衫等養仔費用約每月$2,500(名牌VS平民牌,差價很大,自由消費)
  2. 學費、興趣班等暫時不計,因為2年後Zoe會重投職場。(香港有學券,最平嘅學校唔使錢;另外大量不同價位嘅幼稚園,半日制的由$2,000至$5,000不等,豐儉由人。)

經過實際計算,Jane反而覺得經濟壓力無想像中那麼巨大,省下請工人每月$5,000的開支,減少個人娛樂開支,即使辭工也能正常生活。「我當時最壞打算係完全唔做嘢,一份糧勉強都夠養3個人。但都想試吓同老細講轉part-time,如果成功就最好,咁手頭會鬆動啲。」

Jane當然也想做個全職媽媽,她直言:「我計過數,唔做嘢真係唔掂,哈哈!老公同我份糧加埋先得4萬幾,少一份糧供到樓就養唔到囡。再加上都想儲多啲錢,之後供阿囡上啲好嘅幼稚園,有機會仲想送佢出外國讀書,唔做邊得呢?」每個媽媽都有不同的養育想法。雖然坊間流傳養大一個仔要5百萬,但實際不然,窮有窮養富有富養,視乎你的選擇。

撰文:Kit

 

延伸閱讀:

Fresh grad應該幾時搵工? 盤點各大grad job「筍工」招聘時間

證監牌照要求擴張—管制私募基金與家族辦公室 帶動合規及反洗錢人才需求升

點解人工低市價10%都肯留?打工仔心聲:「同事好、唔想被激死﹗」

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

Increase your chances of getting hired. Create a jobsDB profile

Increase your chances of getting hired. Update your jobsDB profile

The most-talked about topics 

Scroll to Top