全港打工仔一齊傾
搵工煩惱、見工貼士、職場趣事，盡情講隨便問，打工仔陪你傾J
Jobsdb Admin · 5 日前
Jobsdb 教你避開求職詐騙!🚨 最近求職騙案真係層出不窮，搵工職嘅朋友打醒十二分精神！睇清呢 3 大地雷：
🔴 「帶資培訓」絕對係陷阱！
搵工係為咗賺錢，唔係貼錢！如果面試後要你先交「培訓費」、「保證金」或者「預付器材費」，千萬唔好輕易相信！正規公司培訓係會計人工俾你，唔會要你未出糧先破財。
🔴 可疑 Link 唔好亂撳
HR 通常用官方 Email 或電話聯絡。如果對方叫你下載不明 App 或者撳可疑 Link 填個人資料，多數係釣魚網站！搵工記住用返官方認證嘅 App，安全至上。
🔴 勿為搵快錢跌入陷阱
「無需經驗、喺家工作、日賺幾千」？聽落好正，但其實係糖衣毒藥。詐騙集團最鍾意用「刷單」、「代購」或者「幫公司跑數」名義引你入局，目的係呃你墊支之後捲款落跑！
記得 Share 俾身邊搵緊工嘅朋友，一齊做個精明求職者！💪
最
最低工資 · 5 日前
依家真係好多騙案～
社
社畜人生 · 5 日前
加油
立即下載應用程式，隨時同其他打工仔交流
即時討論及回應，掌握最新職場資訊。立即下載應用程式，繼續暢所欲言！
