全港打工仔一齊傾
搵工煩惱、見工貼士、職場趣事，盡情講隨便問，打工仔陪你傾F
Felix · 2025 年 8 月 15 日
Testing Marketing Manager
搵工真係一個漫長又充滿挑戰嘅過程，當你日日夜夜都喺度寫CV、準備面試、等回覆嘅時候，唔好因為暫時嘅困難而否定自己嘅價值。每一次嘅面試經驗都係學習機會，畀啲耐性自己，好好諗吓自己想要啲乜，相信適合嘅機會一定會嚟到！搵工需時，好多僱主除咗睇重你嘅專業技能之外，都好注重你嘅 soft skills：溝通能力、團隊合作、解難能力、情緒管理。埋頭苦幹搵工既同時，不妨聽吓唔同人嘅意見，參加吓義工活動、上下興趣班都係提升 soft skills， 調整心態嘅好機會。
最緊要係記住：你嘅價值唔係由一份工作或者一個Interview決定，保持正面嘅心態，好好享受搵工嘅過程，機會自然會嚟! 大家又有乜搵工經驗可以分享吓？
最
最低工資 · 2025 年 8 月 18 日
幾年前因為返工壓力太大辭咗份工，最近因為經濟壓力係咁搵工，其實開頭個人未諗清楚想點時，唔理自己岩唔岩做，鐘唔鐘意做，不停見請人就send，其實變相有啲「內耗」咗自己，後來自己再從新諗返，究竟自己想做咩工，前一份工有咩經驗可以帶落嚟，見工時俾返應有嘅自信，好快就可以突圍而出架啦！
大家加油呀！
又
又關你事 · 2025 年 8 月 19 日
邊搵工邊報course上堂，增值到自己之餘有機會喺course到有新工嘅收穫！
社
社畜人生 · 2025 年 8 月 18 日
可能自己唔算大學畢業，只係ive，所以搵工時都會困難重重，成日都會質疑自己唔夠人叻，對方係咪唔鐘意自己，睇唔起自己
不過好記得有次見工，對方話好欣賞我成日笑，有好好嘅親和力。雖然份工最後無請我，不過俾個hr咁講一講，我又覺得，係喎！笑容真係好重要，親和力係無得呃架，係人都想同個成日笑嘅同事做嘢，多過苦瓜乾啦
立即下載應用程式，隨時同其他打工仔交流
即時討論及回應，掌握最新職場資訊。立即下載應用程式，繼續暢所欲言！
